Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
01.12.2021, 12:19

Кулланучылар хокукларын яклау һәм кеше иминлеге өлкәсендә күзәтчелек федераль хезмәте: ВИЧ-инфекцияле кешеләр COVID-19 авыруы йогынтысына күбрәк дучар була

Татарстанда уңай статуслы 15 меңнән артык кеше яши.

Фото: Денис Гордийко

(Казан шәһәре KZN.RU, 1-нче декабрь, Алинә Бережная). ВИЧ-инфекцияле кешеләр коронавирус белән зарарлануга күбрәк дучар була. Мондый пациентларның авыруы җитдирәк уза, ә үлү куркынычы башкаларныкына караганда ике тапкырга югарырак, шуңа күрә аларга COVID-19га каршы вакцинацияне ясатырга кирәк, дип белдерде бүген «Татар-информ» мәгълүмат агентлыгында узган матбугат конференциясендә Кулланучылар хокукларын яклау һәм кеше иминлеге өлкәсендә күзәтчелек федераль хезмәтнең ТР буенча идарәсе территориясен санитар саклау бүлеге башлыгы Луиза Борисова. Очрашу Бөтендөнья СПИД белән көрәш көненә багышланган иде, ул 1-нче декабрьгә туры килә.

Икенче ел рәттән Бөтендөнья СПИД белән көрәш көне яңа коронавирус инфекциясе таралу чорында уздырыла, дип билгеләде Луиза Борисова. Ул кешенең иммунодефициты вирусы булган барлык пациентларга АРВ-терапияне вакытында алырга, (антиретровирус терапия – ВИЧ кебек вируслы инфекцияләрне медицина препаратлары ярдәмендә дәвалау), дәвалануны туктатмаска һәм COVID-19ны профилактикалауның югары чараларын үтәргә киңәш итә.

«Ел саен Татарстанда халыкның 30% -ы ВИЧ - инфекциясенә тикшерелә»
Нияз Галиуллин
ТР Сәламәтлек саклау министрлыгының СПИД һәм йогышлы авыруларны профилактикалау һәм аларга каршы көрәш буенча республика үзәгенең баш табибы

Үз чиратында ТР Сәламәтлек саклау министрлыгының СПИД һәм йогышлы авырулар белән профилактика һәм көрәш буенча республика үзәгенең баш табибы Нияз Галиуллин соңгы ике ел эчендә ВИЧ-инфекцияле кешеләр белән эшләүче медикларның төп бурычы – ярдәм күләмен саклап калу, дип билгеләде. Узган ел волонтерлар ярдәме белән 1,8 мең пациентка дарулар тапшырылды, 3 меңгә якын консультация үткәрелде, 2,6 мең кеше АРВ-терапиягә кереште.

Шуның белән бергә, пандемия шартларында ВИЧ-инфекциягә тестның югары дәрәҗәсен саклап калу мөһим. «Ел саен Татарстанда халыкның 30%-ына якыны ВИЧ авыруына тикшерелә. Узган ел халыкның 25%-ы тест тапшырган. Бу безнең әлеге күрсәткечне саклап калуыбыз турында сөйли», – диде Нияз Галиуллин. Куркыныч төркеменә кергән кешеләр белән эшләүче коммерцияле булмаган оешмалар тикшерүдә зур ярдәм күрсәтә.

СПИД үзәгенең баш табибы сүзләренә караганда, иң мөһиме, ВИЧ табылган пациент үз эченә йомылмасын, куркып калмасын һәм медицина ярдәме өчен мөмкин кадәр тизрәк мөрәҗәгать итсен. «Анализның уңай нәтиҗәләре турында белгәч, пациент югала, кача. Бу хәлне катлауландыра гына – иммунитет көчсезләнә, һәм дәвалау авыррак узарга мөмкин, – дип билгеләде Нияз Галиуллин. – ВИЧ – хөкем карары түгел. Дөрес якын килгән, вакытында дәвалаган очракта кеше озак һәм бәхетле гомер кичерә ала».

«2021 елның 30-нчы сентябренә илдә «ВИЧ-йогышлы авыруы» диагнозы белән 1 млн 132 мең 87 россияле яшәде»
Луиза Борисова
 Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең санитария күзәтчелеге бүлеге начальнигы

Күрсәткечләр турында сөйләгәндә, Луиза Борисова билгеләп үткәнчә, тулаем 2021 елда ВИЧ-йогышы белән авыручылар саны арту темпларының кимүе буенча узган ел тенденциясе сакланып калган. Быел ВИЧ авыруының 36 мең 759 яңа очрагы теркәлгән, бу 2020 елның шушы чорына караганда 3,6%-ка кимрәк. «Авыру күрсәткече 100 мең кешегә 25,1 тәшкил итә. 2021 елның 30-нчы сентябренә илдә «ВИЧ-йогышлы авыруы» лаборатор расланган диагнозы белән 1 млн 132 мең 87 россияле яшәгән», – дип хәбәр итте Луиза Борисова. Уртача алганда, елына ВИЧтан эшкә яраклы 30-35 мең кеше үлә.

Татарстан Республикасы буенча Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең территорияне санитар саклау бүлеге башлыгы сүзләренә караганда, ВИЧ инфекциясе өлкән яшьтәге – 30 яшьтән 50 яшькә кадәрге кешеләрдә раслана. Авыруны җенси юл аша йоктыру очраклары өстенлек итә, шул ук вакытта наркотиклар белән зарарлану очраклары саны 28,3%-ка кадәр кимегән.

1-нче ноябрьгә Татарстанда ВИЧ авырулы 15 меңнән артык кеше яши, шуларның 148-се – балалар. Нияз Галиуллин сүзләренә караганда, соңгы ике ел эчендә республикада инфекциянең анадан балага күчүенең бер генә очрагы да теркәлмәгән. «Фертиль, бала табу яшендәге хатын-кызларга АРВ-терапияне мөмкин кадәр иртәрәк башласыннар өчен зур игътибар бирәбез», – дип хәбәр итте ул.

Исегезгә төшерәбез, Татарстанда 25-нче ноябрьдән СПИД белән халыкара көрәш көненә багышланган кайнар линия эшли.

Барлык яңалыклар