Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
20.10.2021, 15:13

Синоптиклар Казан халкын юеш кар һәм бозлавык турында кисәтә

Төнлә термометр баганалары -2 градуска кадәр төшәчәк.

Фото: Марат Мугинов

(Казан шәһәре KZN.RU, 20-нче октябрь). 21-нче октябрьдә Татарстан һәм Казан территориясендә һава шартларының сизелерлек начараюы көтелә.

Республика Гидрометеорология үзәге мәгълүматларына караганда, Татарстанда төньяк-көнбатыш циклонының актив атмосфера фронты үткәндә, көнбатыш районнардан башлап, кар, карлы яңгыр, көньяк-көнбатыштан секундына 17-22 метрга кадәр көчле җил, шулай ук күз күременең сизелерлек начараюы көтелә.

Иртәнге сәгатьләрдә һава температурасы нульдән -1 градуска кадәр, көн дәвамында +2-7 градуска кадәр җылыначак. Иртән юлларның аерым участокларында бозлавык һәм кар боткасы булуы ихтимал.

Казанда төнлә урыны белән бераз кар, юеш кар явачак. Җил төньяк-көнбатыштан талгын. Төнлә һава температурасы нульдән -2 градуска кадәр. Иртән юлларның аерым участокларында бозлавык барлыкка килергә мөмкин.

Көндез явым-төшем дәвам итәчәк – синоптиклар фаразы буенча, кар, юеш кар, яңгыр явуы көтелә. Көньяк-көнбатыштан талгын җил исәчәк, урыны белән секундына 17-22 м тизлектә. Максималь һава температурасы көндез +4 градустан +6 градуска кадәр тибрәнәчәк, дип хәбәр ителә Татарстан Республикасы Гидрометеорология һәм әйләнә-тирә мохитне күзәтү идарәсе сайтында.

Барлык яңалыклар