Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
18.03.2021, 16:51

Казанда сәламәтлеге мөмкинлекләре чикләнгән балалар арасында «Чаңгыда сәламәтлек көне» спорт акциясенә йомгак ясалды

500-дән артык бала 46 чарада катнашты.

Фото: Совет районы администрациясе матбугат хезмәте

(Казан шәһәре KZN.RU, 18-нче март). Казанның Горки-Әмәт урманында сәламәтлеге мөмкинлекләре чикләнгән балалар арасында «Чаңгыда сәламәтлек көне» спорт акциясенә йомгак ясадылар. Ирекле стиль белән 1 км дистанциягә чаңгы ярышы булды. Барлык катнашучылар да Казан чаңгы узышлары һәм биатлон федерациясеннән истәлекле медальләр һәм махсус бүләкләр алдылар.

Акция узган елның декабрь уртасында старт алды. Бу вакыт эчендә 500-дән артык кеше катнашында барлыгы 46 дәрес үткәрелде.

Атна саен балалар: 11 нче мәктәп-интернат, Е.Г.Ласточкина исемендәге мәктәп-интернат, 142-нче номерлы коррекция мәктәбе һәм 4-нче номерлы мәктәп-интернат укучылары чаңгы шуу буенча дәресләрдә һәм Казанның әйдәп баручы спортчыларыннан чаңгыда йөрү буенча мастер-классларда катнаштылар, прокатка профессиональ чаңгы инвентарьлары алдылар һәм яңа белемнәрен практикада кулландылар, шулай ук чәй эчүләр оештырдылар һәм фотозонада фотога төштеләр. 

«Чаңгыда сәламәтлек көне»нең нәтиҗәсе балалар өчен ирекле стиль белән 1 км дистанциягә узышу булды. Тренерлар дәресләр вакытында нәрсәгә өйрәнүләрен күрсәткән 24 иң яхшы тәрбияләнүчене сайлады.

Финишка беренчеләрдән булып 11-нче номерлы мәктәп-интернаттан Газинур Шиһапов килде, икенче урында – шул ук мәктәптән Айдар Гарипов, өченче урында – Е.Г.Ласточкина исемендәге мәктәп-интернат укучысы Эдуард Дәүләтбаев. Кызлар арасында 142-нче номерлы коррекция мәктәбеннән Алсу Каюмова барысыннан да өлгерерәк булды. Икенче урында – Е.Г.Ласточкина исемендәге мәктәп-интернаттан Вера Романова, шул ук мәктәп тәрбияләнүчесе Виктория Зотееваның бронза медаль алды, дип хәбәр итә Казанның Совет районы хакимияте матбугат хезмәте.

Барлык яңалыклар