Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
14.09.2020, 09:25

Зур Казан боҗрасында Монастырь ермагы аша уза торган күпернең уң һәм сул керү юлларына киртәләр урнаштырылды.

Бу автомобиль йөкләнешен исәпләп, күперне сынарга мөмкинлек бирә.


(Казан шәһәре KZN.RU, 14-нче сентябрь). Татарстан башкаласында Борисково урамыннан Техника урамына кадәр 1,222 чакрым озынлыктагы Зур Казан боҗрасының икенче этабын төзү дәвам итә. Узган атнада Монастырь ермагы аша күпер төзелеше барышында су үткәргеч лотокларын монтажлау, асфальт-бетон өслекнең өске катлавын салу һәм уң һәм сул керү автоюлларына киртәләр кую тәмамланды. Бу автомобиль йөкләнешен исәпләп, күперне сынарга мөмкинлек бирә.

Сынаулар нәтиҗәләре буенча исәп-хисап алшартлары расланган очракта күпер автомобиль хәрәкәтен ачуга тулысынча әзер булачак.

Узган атнада шулай ук 2000 кв.м мәйданда яшел зоналар планировкасы, люклар монтажы эшләнгән, тротуарда комнан һәм вак таштан 520 кв.м мәйданлы катлаулар түшәлгән, 432 метр борт ташы монтажланган.

Хисап атнасында төзүчеләр 4,2 м тамгасына кадәр чистарту корылмаларын ныгыту, бетонлау эшләрен тәмамладылар, торбалар салуны, су белән тәэмин итү һәм яңгыр канализациясе коеларын урнаштыруны дәвам иттеләр.

Автомат су сибү системасын урнаштыру белән территорияне яшелләндерү эшләре дәвам итә. Агачлар һәм куаклар утыртылды.

Икенче этапны төзүдә инженер-техник персоналга караган 56 кеше һәм 9 берәмлек махсус техника катнаша, дип хәбәр итә ТР Транспорт һәм юл хуҗалыгы министрлыгы матбугат хезмәте.

Борисково урамыннан Техника урамына кадәр 1,222 чакрым озынлыктагы юл участогын төзү «Имин һәм сыйфатлы автомобиль юллары» илкүләм проекты буенча алып барыла. Зур Казан боҗрасы төзелешенең икенче этабы кысаларында проект документациясендә коммуникацияләрне яңадан урнаштыру, яңгыр канализациясе һәм чистарту корылмалары, терәк диварлар, светофор объектлары, тышкы яктырту системалары урнаштыру, трамвай юллары төзү каралган. Монастырь ермагы аша 70,78 метр озынлыктагы күпер төзеләчәк.

Исегезгә төшерәбез, 30-нчы августта Мидхәт Булатов урамыннан Борисково урамына кадәр 800 м озынлыктагы участокта Зур Казан боҗрасының беренче чираты ачылды. ТАССРның 100 еллыгы магистрале исеме бирелгән әлеге юл аша Россиядә иң озын трамвай маршруты уза - аның озынлыгы 34 чакрым тәшкил итә. 

Барлык яңалыклар