Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
05.05.2020, 16:32

Р.Миңнеханов экстрим-парк төзелеш объектларын, Совет районындагы мәктәпне һәм башка объектларны карады

Төзелеш мәйданчыкларын карауда Илсур Метшин да катнашты.


(Казан шәһәре KZN.RU, 5-нче май). Бүген Татарстан Республикасы Президенты Рөстәм Миңнеханов Казандагы төзелүче һәм үзгәртеп корылучы объектларны карады. Төзелеш мәйданчыкларын карауда ТР Премьер-министры Алексей Песошин, Казан Мэры Илсур Метшин, ТР Президенты ярдәмчесе Наталия Фишман-Бекмамбетова да катнаштылар.

Беренче объект Яшьләр үзәгенең «Урам» экстрим-паркы төзелеше булды.

Парк концепциясе балалары белән гаиләләр, яшүсмерләр, яшьләр спорт белән шөгыльләнергә, ял итәргә, шулай ук спорт һәм мәдәни чаралар уздырырга мөмкин булган ачык мәйданнар булдыруда.  

Парк ачык һәм ябык зоналардан, күп функцияле газоннан, волейбол һәм футбол уйнау мәйданчыкларыннан, җәяүлеләр зонасыннан һәм башкалардан торачак.

Монда бетон скейт-парк (2,7 мең кв м), асфальтлы памп-трек (2,7 мең кв м), ачык сәхнә, ворк-аут мәйданчыгы, эйр-парк һәм тренинг-зона (2,2 мең кв. м) урнашачак.

Татарстан Президентына шулай ук парк перспективалары турында да сөйләделәр. Монда стритфуд кафе, велопрокат павильоннары оештырырга җыеналар. Паркка Казансу яр буеннан һәм Горький ис. шәһәр паркыннан да керергә мөмкин булачак. 

Объектта 100дән артык кеше эшли.

Икенче объект Казанның Совет районындагы (Н. Ершов ур.) «Арт-сити» торак комплексындагы 1501 урынлык гомуми белем мәктәбе булды. Заказчысы –  «Главинвестстрой РТ» дәүләт казна учреждениесе

Мәктәп 4 катлы булачак, гомуми мәйданы 29 мең кв м. Тапшыру срогы –  2021 елда. Төзелештә барлыгы 150 кеше эшли.

Аннары Рөстәм МиңнехановТанк урамындагы футбол тренировкалары манежы төзелеше барышы белән танышты.  Заказчысы – «Главинвестстрой РТ» дәүләт казна учреждениесе, проектчысы – «Татинвестгражданпроект» дәүләт унитар предприятиесе.

Объектларны 2020 елның 30-нчы августына тапшырырга җыеналар. Футбол кыры – 90га 45 м.

Татарстан Президенты тагын Зур Казан боҗрасы төзелешен дә карады. Мидхәт Булатов урамыннан алып Техниклар урамына кадәр кишәрлектә Рөстәм Миңнехановка төзелеш планнары, объектта кулланылучы юллар салу техникасы турында сөйләделәр. Бөтен эшләр график нигезендә бара.

Шуннан соң Рөстәм Миңнеханов М.Сәлимҗанов урамыннан алып Н.Назарбаев урамына кадәр Түбән Кабан яр буйларын төзекләндерү белән танышты.

Ике кишәрлек аралыгы 2 км диярлек. Монда фито-чистарту каскадлары, амфитеатр, гамаклар, спорт мәйданчыгы, яшелләндерелгән территория, пикник-парк, велоюллар һәм велопарковкалар булачак.

Рөстәм Миңнехановка тагын «Бертуган Крестовниковлар мәдәният йорты» объектын үзгәртеп кору эскиз проектын һәм Петцольд заводы биналарын үзгәртеп кору проектын да тәкъдим иттеләр, дип хәбәр итә ТР Президенты матбугат хезмәте.

Барлык яңалыклар