Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
18.09.2020, 13:38

Россия кулланучылар хокукларын яклау һәм кеше иминлеге өлкәсендә күзәтчелек федераль хезмәте Казанның җәмәгать урыннарында COVID-19 кузгатучыларын тапмаган

Узган атнада Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәте белгечләре җәмәгать урыннары өслекләреннән алынган 340 анализны тикшергән.

Фото: Денис Гордийко

(Казан шәһәре KZN.RU, 18-нче сентябрь, Ксения Швецова). Казанда кулланучылар яшәгән мохит объектларын COVID-19 кузгатучылары булуга атна саен мониторинглау дәвам итә. Узган атнада Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәте белгечләре җәмәгать урыннары өслекләреннән алынган 340 анализны тикшергән. Пробаларның барысы да тискәре, дип хәбәр итте Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәтенең ТР буенча идарәсе җитәкчесе урынбасары Любовь Авдонина «Татар-информ» мәгълүмат агентлыгында узган матбугат конференциясендә.

«Без анализга материалны транспорт инфраструктурасы объектларының өслекләреннән, шул исәптән метро станцияләре һәм вагоннардан, ике вокзалдан һәм аэропорттан, азык-төлек товарлары сатыла торган сәүдә объектларыннан алабыз һәм тикшерәбез, – дип сөйләде Л.Авдонина. – Кибетләрдә анализга шулай ук туңдырылган продукция алына, өстенлектә – импорт».

Моннан тыш, шәһәрдә дүрт чистарту корылмасына агып төшүче су пробалары тикшерелә. Белгечләр шулай ук биш медицина оешмасында анализ алган, алар арасында ковидсыз госпитальләр дә бар.

«Бүгенге көндә барлык пробалар да тискәре»,–дип билгеләп үтте Татарстан Республикасы буенча Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәтенең ТР буенча идарәсе җитәкчесе урынбасары.

Бүгенге көндә Татарстанда медицина күзәтүе астында короновирус йоктырган кешеләр белән контактта булган 728 кеше бар, дип өстәде Л.Авдонина.

Барлык яңалыклар