Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
17.09.2020, 14:46

Казанда Рихард Зорге урамындагы участок ремонтланды

Фото: mindortrans.tatarstan.ru

(Казан шәһәре KZN.RU, 17-нче сентябрь). Казанда Даурия урамыннан алып Юлиус Фучик урамына кадәрге участокта Рихард Зорге урамы төзекләндерелде.

32266 кв. м мәйданда 5 см калынлыкта вак таш-мастик асфальт-бетон - 15-тән асфальт-бетон өслекнең өске катламы  җәелгән. Тротуарларның, автобус һәм трамвай тукталыш мәйданчыкларының өслекләре яңартылды, халыкның аз хәрәкәтләнүче төркемнәре өчен пандуслар барлыкка килде. 4 карау һәм яңгыр кабул итү коесы ремонтланды, 89 яңа кое төзекләндерелде. Юл һәм тротуар борт ташлары алыштырылды.

Р.Зорге урамының яңартылган участогы юл хәрәкәте куркынычсызлыгы элементлары белән җиһазландырылган – 1056 метр цинкланган киртә коймасы, җәяүлеләр кичү урыннарын яктырту өчен 12 яктырткыч һәм 21 яңа юл билгесе урнаштырылган. Машиналар йөрү өлешенең тамгалары яктылык кайтаргыч элементлар кулланып, термопластиктан эшләнгән, дип хәбәр итә ТР Транспорт һәм юл хуҗалыгы министрлыгы матбугат хезмәте.

Эшләрнең генераль подрядчысы - «Алексеевскдорстрой» ачык акционерлык җәмгыяте.

Исегезгә төшерәбез, урам Советлар Союзы Герое Рихард Зорге хөрмәтенә 1967 елда аталган. Биредә Совет разведчигына бюст куелган, 2005 елның маенда мемориаль такта барлыкка килгән.

Казанда Рихард Зорге урамы, Җиңү проспекты кебек үк, «Имин һәм сыйфатлы автомобиль юллары» илкүләм проектының бер өлеше булган «Җиңү урамы» проектына керде. Агымдагы елда Татарстанда «Җиңү урамы» проекты кысаларында 28 объект ремонтланачак.
Барлык яңалыклар