Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
05.10.2020, 12:08

10 октябрьдә Казанда Россиядә иң зур йөгерү бәйрәме - «Милләт кроссы» узачак

Денис Калинкин оештыручыларны узышларда медицина күзәтүенә һәм һәр катнашучының халәтен тикшерүгә аерым игътибар бирергә чакырды.

Фото: Марат Мугинов

(Казан шәһәре KZN.RU, 5-нче октябрь, Алена Мирошниченко). 10-нчы октябрьдә Казанда «Ак Барс Арена» стадионы территориясендә Россиядә иң зур йөгерү бәйрәме - «Милләт кроссы» узачак. Анда 10 меңнән артык кеше катнашыр, дип көтелә. Казан муниципаль берәмлеге башлыгының беренче урынбасары Денис Калинкин оештыручыларны узышларда медицина ярдәменә һәм һәр катнашучының халәтен тикшерүгә аеруча игътибар итәргә чакырды.

«Милләт кроссы»ында ел саен бөтен Россиядән һәвәскәр һәм профессиональ йөгерешчеләр катнаша. Быел коронавирус пандемиясе белән бәйле рәвештә илдә бердәм йөгерү көне юк. Оештыручы шәһәрләр үзләре Россия кулланучылар күзәтчелеге рөхсәтләре нигезендә ярышлар уздыру датасы турында карар кабул итә.

Казанда «Милләт кроссы» трассасы «Ак Барс Арена» территориясе тирәли узачак. Программада 1 чакрым, 2 чакрым һәм 3 чакрым дистанциягә йөгерү каралган, дип сөйләде Физик культура һәм спорт комитеты рәисе Альберт Салихов.


Чара 9.00 сәгатькә планлаштырылган. Беренче булып стартка 2011 елгы һәм аннан кечерәк яшь спортчылар чыгачак, алар 1 чакрым йөгерәчәк.

Аннары 16-17 яшьлек егетләр һәм кызлар «Хезмәткә һәм оборонага әзер» Бөтенроссия физкультура-спорт комплексы нормативларын тапшырачак. Аларга үз күнекмәләрен 2 чакрым һәм 3 чакрым дистанцияләрдә комплексның яшь баскычлары нигезендә күрсәтергә кирәк булачак.

Иң массакүләм йөгерештә, 3 чакрымга, 10 меңнән артык шәһәр халкы катнашыр, дип планлаштырыла, дип сөйләде Физкультура һәм спорт комитеты рәисе.

«Милләт кроссы» кысаларында Татарстан һәм Казанның төрле структуралары һәм ведомстволары җитәкчеләре узышачак. Катнашучыларга 2 чакрымлы дистанцияне узарга туры киләчәк. Йөгереш нәтиҗәләре буенча шулай ук ТАССРның 100 еллыгына багышланган «Финишная СуперСотка» категориясендә җиңүчеләрне бүләкләячәкләр.


Ярышлар барлык санитар-эпидемиологик таләпләрне үтәп узачак: мәйданчыкка кергәндә һәр катнашучының тән температурасын үлчәячәкләр, бөтен мәйданчыкта кулларны антисептик белән эшкәртү нокталары урнаштырылачак. «Ярышлар көнендә барлык йөгерештә катнашучыларның тормышы һәм сәламәтлеге безнең партнер тарафыннан иминиятләштереләчәк», - дип ассызыклады нотыкчы.

Чарада катнашучылар һәм кунаклар өчен шәһәрнең иҗат һәм спорт коллективлары катнашында күңел ачу программасы оештырылачак. Ярышларда җиңүчеләрне һәм призерларны кубоклар, медальләр һәм Россия Федерациясе Спорт министрлыгы дипломнары белән бүләкләячәкләр.

Спорт бәйрәмендә катнашу өчен мандатлы комиссиягә мөрәҗәгать итәргә кирәк. Бүгенге көннән алып 9-нчы октябрьгә кадәр ул Ташаяк урамы, 2а адресы буенча урнашкан Үзәк стадионда эшләячәк. Ярышта катнашучы буларак 10-нчы октябрьдә - ярышлар көнендә дә 8.30-дан 9.30-га кадәр «Ак Барс Арена» стадионында теркәлергә мөмкин булачак.

«Һәвәскәр ярышларда катнашучылар саны торган саен күбәя. Без даими рәвештә спорт белән шөгыльләнүче казанлыларның саны артуын күрәбез, - диде Казан муниципаль берәмлеге башлыгының беренче урынбасары Денис Калинкин. - Киләсе чараларда узышларда медицина күзәтүенә һәм һәр катнашучының халәтен тикшерүгә аеруча игътибар итүегезне сорыйм».

Фоторепортаж
Эшлекле дүшәмбе, 05.10.2020
Видеорепортаж
05.10.2020 13:23
Барлык яңалыклар