Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
10.09.2020, 12:01

11 сентябрьдә Казанда мобиль сайлау участоклары ачылачак


(Казан шәһәре KZN.RU, 10-нчы сентябрь). Татарстан Республикасы Президентын һәм дүртенче чакырылыш Казан шәһәр Думасы депутатларын сайлаулар вакытында шәһәрлеләр уңайлылыгы өчен йорт яны территорияләрендә мобиль сайлау участоклары эшләячәк. Мобиль сайлау участоклары эше вакытында теге яки бу адреска беркетелгән стационар тавыш бирү пунктлары ябык булачак.

Мобиль сайлау участоклары шәһәрнең һәр районында автобуслар базасында урнашачак һәм сайлаучыларны 11-нче һәм 12-нче сентябрьдә кабул итәчәк. Татарстан башкаласында барлыгы 270-тән артык мобиль сайлау участогы оештыру планлаштырыла, аларның урнашу адреслары һәм эш графигы белән түбәндәге сылтама буенча танышырга мөмкин.

Искәртеп узабыз, 11-13-нче сентябрьдә Татарстанда Татарстан Республикасы Президентын һәм дүртенче чакырылыш Казан шәһәр Думасы депутатларын сайлаулар узачак. Өч көнлек сайлау компаниясе, шулай ук тавыш бирү өчен мобиль участокларның эшен оештыру коронавирус инфекциясе таралуга каршы тору чараларын көчәйтергә мөмкинлек бирәчәк.

11-нче һәм 12-нче сентябрь вакытыннан алда тавыш бирү көннәре булып тора. Булачак сайлауларда бердәм тавыш бирү көне статусы 13-нче сентябрь датасына беркетелгән. Тавыш бирүнең мобиль пунктлары беркетелмәгән стационар сайлау участоклары өч көндә дә 8.00 сәгатьтән 20.00 сәгатькә кадәр эшләячәк. Калганнары сайлаучыларны кабул итүне мобиль участоклар эшләгән вакытка бүлдерәчәк.

Сайлау участокларында катгый куркынычсызлык чаралары үтәләчәк. Аерым алганда, һәр сайлаучыны бинага кергәндә дезинфекцияләүче келәмнәр, кул өчен антисептиклар, бер тапкыр кулланыла торган битлекләр һәм перчаткалар, каләмнәр көтә. Сайлаучылар белән контактта торучы хезмәткәрләр, кирәк булган очракта, саклау экраннарын кулланачак. Моннан тыш, тавыш бирү вакытында 1,5-2 метр дистанция үтәлешен күзәтәчәкләр.

Белешмә

Казан территориясендә 459 сайлау участогы оештырылган. 1-нче августка шәһәр сайлаучылары саны 920 мең 420 кеше тәшкил итә, шулардан 2109 кеше сайлау участокларына беренче тапкыр киләчәк.

Барлык яңалыклар