28, 29, 30 һәм 31 августта Казанда Меңьеллык мәйданында һәм С.Хәким урамында хәрәкәт чикләнә

(Казан шәһәре KZN.RU, 28-нче август). Татарстан Республикасы көне һәм Шәһәр көненә багышланган чараларны әзерләү һәм уздыру вакытында Казанда транспорт хәрәкәте чикләнә.

Мәгариф идарәсе хәбәр иткәнчә, чикләүләр түбәндәге урыннарда кертелә:

28 август 22.00 сәгатьтән 29 август 6.00 сәгатькә кадәр һәм 29 август 20.00 сәгатьтән 31 август 6.00 сәгатькә кадәр – Меңьеллык мәйданында;

30 августта 7.00 сәгатьтән төн уртасына кадәр – Сибгать Хәким урамында (Декабристлар урамыннан Әпсәләмов урамына кадәр).

Искәртергә кирәк, Татарстан Республикасы һәм Казан шәһәре көннәрендә башкалада бай күңел ачу программасы әзерләнгән. Бәйрәм чараларының туры программасы белән KZN.RU порталының махсус бүлегендә танышырга мөмкин.