Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
10.12.2019, 17:52

Башкортостан делегациясе Казанның Киров һәм Мәскәү районнарының яңартылган объектларында булды

Сергей Миронов кунакларга шәһәр үсеше концепциясен тәкъдим итте, районнар территориясен комплекслы үстерүгә якын килүләр турында сөйләде.


(Казан шәһәре KZN.RU, 10-нчы декабрь). Казанның Киров һәм Мәскәү районнарының яңартылган объектларын бүген Башкортостан Республикасы делегациясе әгъзалары карады. Кунаклар «Батыр» дзюдо үзәгендә һәм «Мәскәү» мәдәни-күңел ачу үзәгендә булдылар, анда социаль объектларны реновацияләү концепциясе, шулай ук Урицикий исемендәге парк белән таныштылар.

Уфа шәһәр округы администрациясе башлыгы урынбасары Рөстәм Газизов җитәкчелегендәге Башкортостан делегациясе белән Казанның Киров һәм Мәскәү районнары администрациясе башлыгы Сергей Миронов очрашты.

Киров һәм Мәскәү районнары администрациясендә кунакларга рецепция зонасының, музей киңлегенең һәм оператив штабның ничек оештырылуын күрсәттеләр. Биредә үк Сергей Миронов кунакларга шәһәр үсеше концепциясен тәкъдим итте, районнар территориясен комплекслы үстерүгә якын килүләр турында сөйләде.

Очрашуда катнашучылар Декабристлар, 100, Гагарин, 105, Чкалов, 4 адреслары буенча урнашкан ишегалларны яңарту, Юдино бистәсе территориясен үстерү, арт-объектлар булдыру һәм тулаем алганда уңайлы шәһәр мохитен булдыру буенча гамәлгә ашырылган проектлар турында фикер алыштылар. Делегациядә территориаль-иҗтимагый үзидарәләр белән эшләү, шулай ук мәгариф мәсьәләләре аеруча зур кызыксыну уятты.

«Әлеге нәтиҗәле визит өчен зур рәхмәт сүзләрен җиткерәбез. Шәһәр үсеше өчен менә дигән үрнәк, күрсәтмә объектлар. Без дә сезнең кебек үк «барысы да халык өчен» дигән эш принцибы белән эшлибе. Кабул итүегез өчен рәхмәт», - диде Р.Газизов.

«Тәҗрибә уртаклашу һәм фикер алышу – һәр җитәкче эшенең нигезе. Визитыгыз өчен рәхмәт!» - диде үз чиратында С.Миронов.
Фоторепортаж
Башкортостан республикасы делегациясе Киров һәм Мәскәү районнары объектларын карады
Барлык яңалыклар