Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
28.08.2020, 16:30

Казанда шәһәр көне: Tat Cult Fest, «Казан көзе», Касә янындагы концерт һәм бәйрәм салюты


(Казан шәһәре KZN.RU, 28-нче август). Казанда Шәһәр һәм республика көнен бәйрәм итүгә әзерлек тулы көченә бара. Алдагы ялларда шәһәр халкы һәм Татарстан башкаласы кунаклары өчен күп төрле спорт һәм музыкаль чаралар әзерләнгән. Уикенд ахырында барысын да Казансу акваториясе өстендә бәйрәм салюты көтә. KZN.RU порталы ял көннәре максималь бай һәм мавыктыргыч үтсен өчен бәйрәм вакыйгаларының тәфсилле афишасын әзерләде.

«Татарстан челлендж» пляж волейболы буенча республика турниры

29-нчы һәм 30-нчы августта 8.00 сәгатьтән 18.00 сәгатькә кадәр

Су спорт төрләре сарае янындагы мәйданчыкта ике көн дәвамында пляж волейболы буенча «Татарстан челлендж» республика турниры узачак.

Илкүләм җилкән лигасы этабы

29-нчы һәм 30-нчы августта 10.00 сәгатьтән 18.00 сәгатькә кадәр

21-нче августтан 30-нчы августка кадәр Татарстан башкаласында Илкүләм җилкән лигасының VI сезонының икенче этабы уза. Казансу акваториясендә җиңү өчен лиганың ике дивизионында 35 команда көрәшә. Татарстаннан ярышларда «Химград-Казан» һәм Active Map Sailing командалары катнаша.

28-нче августтан 30-нчы августка кадәр Касә янында югары дивизионда ярышлар узачак. Узыш көннәре дәвамында турыдан-туры трансляция алып барыла. Тамашачылар спортчыларны ярдан күзәтә алачак.

«Печән базары» татар дизайны һәм шәһәр мәдәнияте фестивале

29-нчы һәм 30-нчы августта 11.00 сәгатьтән 20.00 сәгатькә кадәр

Мәрҗани урамындагы Түбән Кабан күленең яңартылган яр буенда Тукай чорындагы легендар Печән базары – XIX-XX гасырларның уникаль сәүдә, иҗтимагый һәм мәдәни үзәге атмосферасы торгызылачак. Кунакларны дизайн-маркет, концертлар һәм лекторийләр көтә. Фестивальгә керү ирекле.

«Төсле детектив» балалар интерактив спектакле

29-нчы августта 11.00 сәгатьтә

Тинчурин исемендәге паркта «Төсле детектив» балалар интерактив спектакле башлана. Шулай ук кечкенә кунаклар өчен җыр һәм биюләр, сыек азот белән крио-тамаша, эстафета һәм бию баттлары әзерләнгән.

Горки-Әмәт урманында бәйрәм концерты

29-нчы августта 12.00 сәгатьтә

Паркның төп сәхнәсендә «Бәллүр» триосы, домрист Регина Абязова, Lazy Dayz һәм Doratti төркеме чыгыш ясаячак. Сәхнә янында иҗади экоостаханә ачылачак, анда шелкография , журналлардан коллажлар булдыру, иске баннерлардан һәм экокапчыклардан сумкалар ясау буенча бушлай мастер-класслар узачак. Шулай ук бу көнне Горки-Әмәт урманында бушлай экскурсияләр узачак һәм Фешина Диана Иванова исемендәге Казан сәнгать училищесы чыгарылышыннан әйләнә-тирә мохитне яклауга багышланган социаль плакатлар күргәзмәсе ачылачак.

«Сүз һәм музыка» мелодекламациясенең республика конкурсы

29-нчы августта 17.00 сәгатьтә

«Ак чәчәкләр» бульварында ТАССРның 100 еллыгына һәм Бөек Ватан сугышында Җиңүнең 75 еллыгына багышланган мелодекламация республика конкурсының финал этабы узачак. 20 финалист DJ Nicky vibe треклары астына музыкаль-шигъри баттлда ярышачак. Иң яхшы конкурсантлар бүләккә акчалата сертификатлар һәм призлар алачак. Шулай ук бульварда «Казан егетләре», «ЖИВаGO» һәм «НасТроение» триосы төркемнәре чыгыш ясаячак.

«Ускользающий город» перформансы

29-нчы августта 18.00 сәгатьтә

Лядской бакчасында «Э-моция» инклюзив иҗат студиясе «Ускользающий город» перформансын күрсәтәчәк. Иҗади номер шәһәр турында танылган кешеләрнең истәлекләренә нигезләнеп әзерләнгән. Куелыш музыка һәм бию белән озатылачак.

«Уйна, гармун!» халык иҗаты фестивале

30-нчы августта 10.00 сәгатьтән 13.00 сәгатькә кадәр

Г.Камал исемендәге театр янында «Уйнагыз, гармуннар!» дигән музыкаль перфоманс булачак. Чара матур пролог белән ачылачак, аннары музыкантларның флешмобы һәм вокаль коллективларның чыгышлары узачак.

«Җиңүче балалар» бәйрәме

30-нчы августта 10.00 сәгатьтә

Горький исемендәге паркта онкология авыруын кичергән балалар өчен  «Җиңүче балалар» бәйрәме узачак. Кунакларны балалар анимациясе, сабын куыгы тамашасы һәм хәйрия ярминкәсе көтә.

Г.Тукай исемендәге дәүләт премиясен тапшыру, концерт программасы

30-нчы августта 11.00 сәгатьтән 14.00 сәгатькә кадәр

Татарстан Республикасы Милли китапханәсендә Г.Тукай исемендәге дәүләт премиясен тапшыру тантанасы узачак. Соңыннан концерт программасы планлаштырылган.

«Ак чәчәкләр» бульварында күңел ачу программасы

30-нчы августта 11.00 сәгатьтә

Җәмәгать киңлегендә «Әкият» курчак театрыннан «Кәҗә тәкәсе килә» бәйрәм концерты һәм спектакле узачак. Моннан тыш, бәйрәмнең яшь кунакларын фәнни тамаша көтә.

Мир урамындагы паркта кызыклы программа

30-нчы августта 11.00 сәгатьтә

Дәрвишләр бистәсендә казанлыларны конкурслар белән интерактив программа, бию баттлылары һәм эстафеталар, сыек азот белән крио-тамаша, слаймнар һәм җил вертушкалары буенча мастер-класслар көтә.

Фучик урамындагы бульварда чаралар

30-нчы августта 11.00 сәгатьтә

Биредә эшче һөнәрләр буенча мастер-класслар, «Безнең ишегалды уеннары» балалар активлыгы планлаштырылган.

«Наше время – Безнең заман» эшче яшьләр фестивале

30-нчы августта 13.00 сәгатьтән 15.00 сәгатькә кадәр

Г.Камал исемендәге театр каршындагы мәйданда эшче яшьләрнең ел саен үткәрелә торган «Наше время – Безнең заман» ачык республика телевизион иҗат фестивале җиңүчеләренең һәм лауреатларының зур бәйрәм концерты була.

Ат спорты бәйрәме

30-нчы августта 13.30 сәгатьтән 19.00 сәгатькә кадәр

Казан ипподромында традицион ат спорты бәйрәме узачак. Программада 15 ат чабышы һәм заезды (шул исәптән Татарстан Президенты һәм «Казан – хезмәт батырлыгы шәһәре» призына), ачык концерт программасы һәм традицион кыйммәтле бүләкләр уйнату көтелә.

Шунда ук Harley-Davidson клубы катнашучыларының «Кызыл Кремльдән – Ак Кремльгә» бәйрәм мотоузышы тәмамлана. Быел заезд республиканың юбилеена багышлана, анда 200-гә якын байкер катнаша. Мотоколонна әйдаманнары Россия, Татарстан, Казан флагларын, ТАССРның 100 еллыгы һәм Җиңүнең 75 еллыгы әләмнәрен күтәреп үтәчәк.

Tat Cult Fest шәһәр мәдәнияте һәм сәнгате фестивале

30-нчы августта 14.00 сәгатьтән 23.00 сәгатькә кадәр

Казан Кремлендә Tat Cult Fest шәһәр заманча мәдәният һәм сәнгать фестивале узачак, ул мәдәният, тарих һәм заманча сәнгать өлкәсендә актуаль юнәлешләрне тәкъдим итәчәк. Фестивальдә 30-дан артык җанлы чыгыш, хореографик номерлар кую планлаштырыла. Кремль территориясендә арт-объектлар урнаштырылачак, дизайн-маркет эшләячәк, балалар зонасы һәм фудкорт зонасы булачак. Елена Кравиц лейблы резидентлары – PTU дуэты хедлайнерлары, Мәскәүнең «Карт аяк» төркеме, татарча рок, KRAPIVA музыкаль проекты фестивальнең кунаклары булачак.

Yokai Matsuri заманча япон мәдәнияте мини-фестивале

30-нчы августта 14.00 сәгатьтә

«Крылья Советов» паркында Yokai Matsuriның җыр, бию һәм костюм конкурслары белән заманча япон мәдәниятенең мини-фестивале узачак. Катнашучыларны мастер-класслар, атрибутика күргәзмәсе, заманча һәм традицион япон мәдәнияте буенча үзешчән сәнгать тамаша-программасы, анимация, бию, җыр, костюм һәм кече сәхнә формалары конкурслары көтә.

«Казан сөлгесе» фестивале

30-нчы августта 15.00 сәгатьтән 19.00 сәгатькә кадәр

Фольклор эстафетасын Иске Татар бистәсендә «Казан сөлгесе» проекты кысаларында Каюм Насыйри урамының җәяүле урамында иң яхшы фольклор коллективлары чыгышлары дәвам итәчәк. Тамашачылар халык җырлары (соло), халык җырлары (ансамбль), халык биюе (соло, ансамбль), халык уен кораллары музыкасы (соло, ансамбль) һәм халык җыр һәм бию ансамбле кебек номинацияләрдә артистларның чыгышларын күрәчәк.

«ТАБА» республика этнопроекты

30-нчы августта 15.30 сәгатьтән 22.00 сәгатькә кадәр

Кремль яр буе пирсында «ТАБА» этнопроекты оештырыла. Теләгән һәркемнең этномаркет кысаларында яшь эшмәкәрләр продукциясенең күптөрлелеге белән танышу мөмкинлеге булачак.

Шәһәр һәм республика көненә багышланган концерт программасы

30-нчы августта 15.30 сәгатьтән 22.00 сәгатькә кадәр

«Казан» гаилә үзәге территориясендә зур концерт марафоны, фудтраклар фестивале, шулай ук хәрби техника һәм кыр кухнясы күргәзмәсе белән «Контракт буенча хәрби хезмәт – синең сайлау!» акциясе планлаштырылган.

Танылган җырчылар Илсөя Бәдретдинова, Рифат Зарипов, Niletto, Валерий Сюткин, «Дабро» төркеме, Сергей Безруков һәм «Крестный папа» төркеме кичке концертның хедлайнерлары булачак.

ТР Шаяннар һәм тапкырлар юниор-лигасы финалы

30-нчы августта 17.00 сәгатьтә

ТР Шаяннар һәм тапкырлар юниор-лигасының финалы Урицкий исемендәге паркта узачак. Алты иң көчле балалар командасы юморда чемпион исемен алу хокукы өчен көрәшәчәк.

«Җиңел канат» урам театры чыгышы

30-нчы августта 19.00 сәгатьтә

Горький исемендәге паркта Әлмәттән «Җиңел канатлар» урам театры чыгыш ясаячак. Сюжет буенча «Этно» спектакль пандемия дөньясын тикшерә: урам граффитилары мәгарә әсәрләренә әверелә, ә геройлар төрле хуш исләр дөньясында сәяхәт итә.

Ачык һавада «Казан көзе» X Халыкара опера фестивале

30-нчы августта 19.30 сәгатьтән 22.00 сәгатькә кадәр

Казанлылар музыканы Игенчеләр сарае янында да тыңлый ала. Фестиваль Россия халык артисты Александр Сладковский җитәкчелегендәге ТР Дәүләт симфоник оркестры тарафыннан оештырыла. Опера арияләрен Зур театрның әйдәп баручы солисты Игорь Головатенко һәм Мариин театры солисты Альбина Шаһиморатова башкарачак. Казан халкын Татарстан Республикасы көне һәм Шәһәр көне белән котларга бөтендөнья операсы йолдызы, фестивальнең мактаулы кунагы Любовь Казарновская киләчәк.

Казанлылар һәм шәһәр кунаклары өчен рус, татар, итальян һәм француз операларыннан «Пиковая дама», «Алтынчәч», «Риголетто», «Силы судьбы», «Бал-маскарад», «Лючия ди Ламмермур», «Сицилийская вечерня» арияләре һәм увертюралары яңгыраячак. Фестивальдә «Чайковский – 2020» бокс-сетының презентациясе узачак, анда бөек композиторның барлык симфонияләре һәм инструменталь концертлары кергән. «Чайковский – 2020» җыентыгы язмасы П.И.Чайковскийның тууына 180 ел тулуга һәм ТАССР оешуга 100 ел тулуга багышлана.

Бәйрәм салюты

30-нчы августта 22.00 сәгатьтә

Казансу акваториясе өстендәге бәйрәм салюты бәйрәмнең финал аккорды булачак. Салют Салават Фәтхетдиновның симфоник оркестр аккомпанементы астына «Мин яратам сине, Татарстан» җырына биреләчәк. Кремль һәм «Казан» гаилә үзәге яр буйлары салютны карау өчен иң яхшы нокта булып тора.

Исегезгә төшерәбез, Казанда Шәһәр һәм республика көнен бәйрәм итү чорында С.Хәким, Ш.Мәрҗани урамы һәм «Казан» гаилә үзәге янындагы парковка зонасында хәрәкәтне чикләячәкләр.
Барлык яңалыклар