Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
27.10.2021, 18:01

Казан шәһәре Думасы депутатлары торак-коммуналь хуҗалык һәм ишегалларын төзекләндерү мәсьәләләре турында фикер алышты

Ике даими комиссиянең уртак утырышы Ратушада узды.

Фото: Денис Гордийко

(Казан шәһәре KZN.RU, 27-нче октябрь, Алинә Бережная). Бүген Ратушада Казан шәһәре Думасының ике даими комиссиясенең шәһәр төзелеше һәм торак-коммуналь хуҗалык һәм законлылык, хокук тәртибе һәм җирле үзидарә мәсьәләләре буенча уртак утырышы узды. Утырышта Казан шәһәре Думасы депутатлары, шулай ук шәһәр Башкарма комитетының һәм республика ведомстволарының структур бүлекчәләре вәкилләре катнашты.

Киңәшмә башында шәһәр төзелеше һәм торак-коммуналь хуҗалык буенча даими комиссия рәисе вазыйфасына депутатлар Рөстәм Рамазанов кандидатурасын тәкъдим итте, ул хәзер комиссия рәисе урынбасары. «Без Рөстәм Габтилфәрит улын яхшы беләбез, ул төзелеш тармагында һәм торак-коммуналь хуҗалык өлкәсендә зур тәҗрибәгә ия, шулай ук социаль проектлар белән шөгыльләнә», – дип билгеләп үтте Казан шәһәре Думасы секретаре Альбина Рафикова. Аның кандидатурасы якындагы сессиядә каралачак.

Утырышта коммуналь инфраструктура системасын үстерү һәм модернизацияләү турында Торак-коммуналь хуҗалык комитеты рәисе Дмитрий Анисимов сөйләде. 2012 елдан 2017 елга кадәр Казанда кайнар су белән тәэмин итү системасын модернизацияләү программасы уңышлы гамәлгә ашырылган, ул «Татэнерго» акционерлык җәмгыяте кулланучылары өчен автоматлаштырылган индивидуаль пунктларга күчүне күздә тота. Программа кысаларында 1387 шәхси җылылык пункты урнаштырылган, 105 үзәк җылылык пунктлары һәм 241 км кайнар су белән тәэмин итүнең тышкы челтәрләре кулланылышыннан чыгарылган. «Проблемалы мәсьәләләрне хәл итү өчен өстәмә рәвештә 33 насос станциясе, 71 басым регуляторы урнаштырылган, салкын су белән тәэмин итүнең тышкы челтәрләрен 6 йортка күчерү башкарылган, 62 йортта йорт эчендә кайнар су белән тәэмин итү челтәрләре ремонтланган», – дип сөйләде Дмитрий Анисимов. «Казэнерго» турында сөйләгәндә, ул хәбәр иткәнчә, быел предприятие өч район котельныен комплекслы яңарткан һәм реконструкцияләгщн, ә биш ел эчендә – үз котельныйларының 19%-тан артыгын модернизацияләгән.

Электр белән тәэмин итү өлкәсендә дә зур эш алып барыла. «Челтәр компаниясе» филиалы – Казан электр челтәрләре 28 подстанциягә, бүлү пунктлары белән бергә 2361 трансформатор подстанциясенә хезмәт күрсәтә.

Су белән тәэмин итүгә килгәндә, бүгенге көндә «Водоканал» муниципаль унитар предприятиесе 3 мең км артык челтәргә хезмәт күрсәтә, шуларның 70%-ы тузган һәм авария хәлендәге челтәрләр һәм алыштыруны таләп итә. «Соңгы елларда канализациянең чистарту корылмаларында капламалар урнаштыру кебек мөһим проектларны тормышка ашыра алдык, бу тәмсез исләр атмосферасына эләгүне киметергә һәм янәшә яшәүче халык өчен экологик йөкләнешне киметергә мөмкинлек бирде», – дип искәртте ТКХ комитеты рәисе. Шулай ук канализациянең чистарту корылмалары территориясендә явым-төшемне термомеханик эшкәртү җайланмасы урнаштырылган. Моннан тыш, «Заречная» канализация насос станциясен төзү тәмамланган.

Шулай ук утырышта даими комиссия әгъзалары ишегалларын төзекләндерү турында фикер алышты. Тышкы төзекләндерү комитеты рәисе Игорь Сәләхетдинов сөйләгәнчә, биш ел эчендә, 2015 елдан 2019 елга кадәр, ТР башкаласында 1514 ишегалды ремонтланган: асфальт-бетон катламы алмаштырылган, юллар киңәйтелгән, парковка урыннары ясалган.

Узган ел Татарстанда һәм аның башкаласында «Безнең ишегалды» республика программасы старт алды. 2020 елда Казанда 460 йортның ишегалды территориясе төзекләндерелде, быел 430 йорт территориясендә эшләр башкарыла. Бүгенге көнгә эшләр 98,8%-ка үтәлгән, дип билгеләп үтте Игорь Сәлахетдинов. Ул депутатларның игътибарын ишегалдын төзекләндерү проектларының барысы да халык һәм эксперт-архитекторлар фикерен исәпкә алып эшләнә, дип белдерде.

«Киләсе елда ишегалды территорияләрен төзекләндерү дәвам итәчәк, хәзер инде 2022 ел программасына кертергә планлаштырылган йортларда яшәүчеләр белән очрашулар үткәрелә», – дип сөйләде Тышкы төзекләндерү комитеты рәисе.

Шулай ук утырышта «2022-2024 елларга Татарстан Республикасы муниципаль берәмлекләрендә коммуналь хезмәтләр күрсәтүгә гражданнар тарафыннан кертелә торган түләү күләмен үзгәртүнең чик (максималь) индекслары турында» Татарстан Республикасы Президенты Указы проектын килештерү һәм «Казан коммуналь комплексы оешмаларының товарларына һәм хезмәт күрсәтүләренә тарифларны җайга салу тәртибе турында» Казан шәһәр Думасы карарына үзгәрешләр кертү хакында мәсьәләләр каралды.

Даими комиссияләрнең уртак утырышында тикшерелгән барлык мәсьәләләр 28-нче октябрьдә узачак Казан шәһәре Думасы сессиясенә чыгарылды.

Фоторепортаж
Казан шәһәре Думасының шәһәр төзелеше һәм торак-коммуналь хуҗалык, законлылык, хокук тәртибе һәм җирле үзидарә мәсьәләләре буенча даими комиссияләре утырышы
Барлык яңалыклар