Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
17.03.2021, 16:53

Казанда «Кырым язы» фестивале: викториналар, әдәби марафон һәм концертлар

18-нче марттан 20-нче мартка кадәр ТР башкаласында Кырымның Россия белән яңадан берләшүенең җиденче еллыгына багышланган чаралар узачак.

Фото: Казан шәһәре KZN.RU

(Казан шәһәре KZN.RU, 17-нче март). 18-нче марттан 20-нче мартка кадәр Казанда Кырымның Россия белән берләшүенең 7 еллыгына багышланган чаралар узачак. «Кырым язы» фестивале программасында – викториналар, әдәби марафон һәм бәйрәм концертлары.

18-нче мартта 15.30 сәгатьтә Тимерьюлчылар мәдәният йортында «Чын күңелдән» бәйрәм концерты була, мәдәният сарае коллективлары иҗат номерларын тәкъдим итәчәк. Шул ук көнне «Сәйдәш» мәдәни үзәгендә 17.30 сәгатьтә «Кырым безнең йөрәкләрдә» концерты узачак. Чарага керү ирекле.

19 мартта Сәет Галиев исемендәге Мәдәният сараенда 18.00 сәгатьтә «Кырым һәм Россия минем йөрәктә» патриотик фестивале башлана. Кунаклар өчен бәйрәм программасы һәм концерт әзерләнгән.

Кырымны шәһәр китапханәләренең интеллектуаль марафоны кысаларында казанлылар үзләре өчен ача алачак. Бу көннәрдә укучыларны ярымутрау турындагы легендалар, шулай ук геройларның язмышы Кырым белән аерылгысыз бәйләнгән атаклы әсәрләр белән таныштырачаклар. Китап викториналары һәм күргәзмәләр вакытында «Тавридның могҗизалы ярлары»нда булган авторларның исемнәрен белергә һәм тарихи әдәбият белән танышырга мөмкин булачак.

Чаралар программасының кульминациясе 20-нче мартта Бауман урамындагы концерт булачак. Бәйрәм 11.00 сәгатьтә Сәгать янында башлана. Кунакларны Казан артистларының һәм иҗат коллективларының чыгышлары көтә.

Шулай ук Казанның мәдәният һәм яшьләр сәясәте учреждениеләре социаль челтәрләрдә онлайн-чаралар оештырды. Викториналар, кулинария мастер-класслары, фотопрезентацияләр һәм театральләштерелгән тамашаларны теләге булган һәркем #КрымскаяВесна һәм #РоссияСевастопольские» хештеглары астында социаль челтәрләрдә күрә алачак, дип хәбәр иттеләр Мәдәният идарәсендә.

Чараларның тулырак программасы белән kzn.ru порталында «Кырым язы» бүлегендә танышырга мөмкин.

Барлык яңалыклар