Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
28.11.2021, 10:00

И.Метшин: «Әлеге бәйрәм милли үзенчәлекне һәм әхлакый идеалларны саклауга омтылышны символлаштыра»

Казан Мэры шәһәр халкын Ханука бәйрәме белән котлады.

Фото: Казан шәһәре KZN.RU

(Казан шәһәре KZN.RU 28-нче ноябрь). Казан Мэры Илсур Метшин шәһәр халкын Ханука бәйрәме белән котлады.

«Хөрмәтле казанлылар! Казанның барлык яһүдләрен ихлас күңелдән яктылык бәйрәме – Ханука белән котлыйм!

Күпгасырлык тарихы булган бу күркәм бәйрәм иреккә омтылуны, милли үзенчәлекне, әхлакый идеалларны саклап калуны символлаштыра, җылы хисләр уята, өмет бирә һәм изге эшләргә илһамландыра.

Ике мең ел элек Иерусалим храмын азат итү һәм аны изгеләндергән вакытта могҗиза хөрмәтенә ханука утлары кабызу традициясе буыннан-буынга тапшырыла, Россия һәм дөнья мәдәниятенең мөһим өлеше булып тора.

Бүген яһүд халкы вәкилләре Казанда уңышлы эшлиләр, рухи кыйммәтләрен саклыйлар һәм шәһәрдә диниара һәм милләтара татулыкны үстерүгә сизелерлек өлеш кертәләр.

Сезгә чын күңелдән уңышлар һәм иминлек телим! Әлеге сигез бәйрәм төне йортларыгызны җан җылысы һәм үзара аңлашу белән тулыландырсын» – диелә котлауда.

Барлык яңалыклар