Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
08.02.2021, 12:50

И.Метшин: «Бүген бездә тишек түбәле мәдәният йортлары юк»

2020 елда Казанда шәһәрнең барлык алты эре мәдәни үзәгендә капиталь ремонт тулысынча төгәлләнгән.

Фото: Денис Гордийко

(Казан шәһәре KZN.RU, 8-нче февраль, Алинә Бережная). 2020 елда Казанда шәһәрнең барлык алты эре мәдәни үзәгендә капиталь ремонт тулысынча төгәлләнгән. Учреждениеләр ачылганнан соң аларның эшчәнлек күрсәткечләре сизелерлек арткан: 2017 елдан клуб формированиеләре саны 379-дан 662-гә кадәр, ә аларда шөгыльләнүче казанлылар саны – ике тапкырга диярлек арткан. Шәһәр Мэры Илсур Метшин ассызыклаганча, мәдәният йортлары башкала дәрәҗәсенә туры килә һәм үз сәхнәсендә илнең профессиональ артистларын да кабул итә ала.

Шәһәр башлыгы 5 ел эчендә Казанның мәдәни үзәкләрен ремонтлау һәм төзүгә бүлеп бирелгән финанс чаралары күләме 3 млрд сум тәшкил итүен билгеләп үтте. «Советлар Союзы таркалганнан соң алар дистә еллар дәвамында финансланмаган. Без зур инфраструктура проектларын гамәлгә ашыра алдык – бүген бездә тишек түбәле мәдәният йортлары юк, дип әйтә алабыз», – дип ассызыклады Илсур Метшин. Шәһәрнең барлык алты зур мәдәни үзәген реконструкцияләүдән тыш, ТР Президенты Рөстәм Миңнеханов һәм республика хөкүмәте ярдәме белән, шулай ук милли-мәдәни үзәк, Алафузов театры, элеккеге Офицерлар йорты, хәзерге татар Яшь тамашачылар театры биналарын төзекләндерә алдык.

Мәдәният идарәсе җитәкчесе Азат Абзалов хәбәр иткәнчә, хәзерге вакытта барлык мәдәният сарайлары да чаралар үткәрү һәм түгәрәкләр эшчәнлеге өчен ачык, зарури шарт – залда утыручылар санын 50%-ка үтәү һәм шәхси саклану чараларын куллану.

Совет районындагы «Сәйдәш» мәдәният үзәге ремонттан соң «Фантазия» джаз-оркестры һәм үзебезнең «Алтын битлек» театр премиясенә номинацияләнгән «Пантера» һөнәри балеты өчен иҗат базасы булды.

Дәрвишләр бистәсендә Сәет Галиев исемендәге мәдәният сараенда яшәүчеләрнең үтенече буенча һәр дүшәмбе һәм пәнҗешәмбе тарихи экскурсияләр уза. Сентябрьдән аларга инде 6 меңнән артык кеше килгән. «Мәдәният йорты бинасы мәдәни мирас объекты булып тора, шуңа күрә сталин ампиры стилендәге фасад һәм интерьерлар максималь рәвештә саклап калынган», – дип билгеләде Азат Абзалов.

Тагын бер эре проект Киров районы Юдино бистәсе үзәгендә урнашкан Тимерьюлчылар мәдәният йортында модернизацияләү эшләрен тәмамлау булды. «Мәдәният йорты үзенең тарихи кыяфәтен саклап калды, ләкин шул ук вакытта бистәгә төп керү ягыннан күренеп торган үзенчәлекле фасад ясалды», – диде Азат Абзалов. Төзекләндерелгән Мәдәният йортында иҗат эшчәнлегенең яңа юнәлешләре үсә. Берничә ай эшләү дәверендә, коронавирус белән бәйле чикләүләргә карамастан, клуб формированиеләре саны 50 процентка арткан, чаралар саны 2 тапкырга. Сарайга шулай ук экскурсия белән килергә һәм хәтта яңартылган интерьерларда фотосессия отарга мөмкин, мәгълүмат даими рәвештә учреждениенең социаль челтәрләрендә бастырыла, дип сөйләде Азат Абзалов.

Моннан тыш, узган ел ахырында «Залесный» мәдәният йортына капиталь ремонт тәмамланды. Азат Абзалов ассызыклаганча, мәйданчык бистә халкы арасында кирәк, шулай ук «Салават күпере» микрорайонында яшәүчеләрне дә колачлый.

Яңа ел алдыннан яңартылган «Чулпан» мәдәни үзәге ачылу Идел буе районы халкы өчен күптән көтелгән вакыйга булды. Учреждениедә берничә хореографик репетиция залы барлыкка килде – мәдәни үзәк Казан шәһәр филармониясе һәм «Казан» бию ансамбле өчен база концерт мәйданчыгына әверелде. Хәзерге вакытта балалар филармониясенә җыю бара.

Исегезгә төшерәбез, капиталь ремонттан соң В.И.Ленин исемендәге мәдәни-ял итү комплексы да ачылды, ул Авиатөзелеш районының «Соцгород» микрорайонына һәм Мәскәү районының бер өлешенә хезмәт күрсәтә. 

Азат Абзалов 2012 елдан башлап Казанда «Авыл клублары» программасы буенча 8 учреждение төзелүен билгеләп үтте, бу учреждениеләр Нагорный, Кадыш, Вознесенское, Северный, Красная Горка, Мирный, Отары, Константиновка бистәләрендә урнашкан. Шулай ук ике учреждение – Залесный мәдәни үзәге һәм «Полимер» мәдәният йорты – ремонтланган. Бүген аларда, Мәдәният идарәсе башлыгы сүзләренчә, заманча форматларда күп чаралар үткәрелә.

Азат Абзалов сүзләренчә, кайбер микрорайоннарда элеккечә үк мәдәни үзәкләр, аерым алганда, «Салават күпере»ндә һәм Азинода төзү зарур. Моннан тыш, Колсәет, Октябрьский, Салмачи, Борисоглебское кебек бистәләр мәдәният йортларына мохтаҗ.

Шунысын да билгеләп үтәргә кирәк, Мәдәният йортын модернизацияләү программасы аларның эшчәнлеге нәтиҗәләрендә уңай чагылыш тапты – уңайлы шартлар тудыру иҗади коллективларга федераль һәм халыкара дәрәҗәдә җитди уңышларга ирешергә мөмкинлек бирде. Мәсәлән, «Московский» мәдәни үзәге Россия Мәдәният министрлыгының «Мәдәният йорты. Яңа формат» конкурсында җиңүче булды. Ә «Мәскәү» мәдәни үзәге җитәкли торган «Мәдәни мохит» проекты «Яшисе килә торган шәһәр» иң яхшы шәһәр практикалары халыкара конкурсы лауреаты булды.

Фоторепортаж
Эшлекле дүшәмбе, 08.02.2021
Видеорепортаж
08.02.2021 12:35
Казанда 2020 елда шәһәрнең барлык 6 эре мәдәни үзәгендә капиталь ремонт программасы тәмамланды
Барлык яңалыклар