Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
09.03.2021, 14:33

Штрафларга мораторий Казан эшмәкәрләренә 90 млн сумнан артык акчаны янга калдырырга ярдәм итте

Татарстан Республикасы башкаласында 2020 ел йомгаклары буенча административ эшләр саны 17%-ка кимеде.

Фото: Марат Мугинов

(Казан шәһәре KZN.RU, 9-нчы март, Ксения Швецова). Казанда 2020 елда административ комиссияләр 75 мең 571 эш караган, бу үткән ел белән чагыштырганда 17%-ка кимрәк. Беренче чиратта административ хокук бозуларның кимүе кече һәм урта бизнес субъектлары өчен штрафларга мораторий белән бәйле. Шәһәрлеләрнең тормышы һәм сәламәтлеге өчен куркыныч тудырмый торган төзекләндерү кагыйдәләрен бозган өчен эшмәкәрләр бары кисәтүләр генә алган. Пандемия чорында шәһәр Мэры Илсур Метшин инициативасы буенча кабул ителгән ярдәм чарасы кече һәм урта эшмәкәрлек предприятиеләренә 90 млн сумнан артык акчаны янга калдырырга мөмкинлек бирде.

Бүген аппарат киңәшмәсендә башкарма комитет Аппаратының Административ комиссияләр эшчәнлеген оештыру идарәсе башлыгы Артур Мөхәммәтшин хәбәр иткәнчә, узган ел хокук бозучыларга 257 млн 207 мең сумлык 68 мең 386 штраф салынган. Чагыштыру өчен, 2019 елда ТР башкаласында 83 меңнән артык эш каралды.

Беренче чиратта, мондый кимү 2020 елның апреленнән гражданнарның тормышы һәм сәламәтлеге өчен куркыныч тудырмый торган төзекләндерү кагыйдәләрен бозу очраклары ачыкланган очракта, контрольлек итүче органнар кисәтүләр белән генә чикләнә, дип искәртте А.Мөхәммәтшин. «Бары тик кече һәм урта эшмәкәрлек буенча гына да 1045 кисәтү чыгарылган. Әгәр дә бу сумма штраф рәвешендә булса, ул якынча 91 млн 455 мең сум тәшкил итәр иде», – диде ул.

Мораторий шәһәр халкының сәламәтлегенә һәм тормышына куркыныч янаучы хокук бозуларга кагылмый, дип искәртте спикер. Мондый хокук бозуларга, аерым алганда, территорияләрне кардан һәм боздан чистарту, түбәләрне һәм авыш түбәләрне чистарту керә. Шулай итеп, территорияләр вакытында кардан һәм боздан чистартылмаган өчен якынча 300 материал төзелгән, аларның күбесе буенча штрафлар чыгарылган, дип хәбәр итте А.Мөхәммәтшин.

Шулай ук административ хокук бозулар санының кимүенә муниципаль паркинглар эшенең махсус режимы да йогынты ясады: 2020 елның 30-нчы мартыннан 11-нче маена кадәр алар түләүсез эшләделәр. 12-нче майдан аларның яңа эш режимы урнаштырылган, аның нигезендә шимбә һәм эш көннәрендә 18.00 сәгатьтән соң түләү гамәлдән чыгарылган. Парковканы түләмәгән өчен штраф күләме 22 млн сумнан артырга мөмкин иде.

Моннан тыш, федераль закон тарафыннан кече һәм урта эшмәкәрлек субъектлары өчен административ штрафлар түләүнең максималь срогы 2020 елның июненнән алып 2020 елның ахырына кадәр – 60 көннән 180 көнгә кадәр арттырылды.

Гомумән алганда, 2020 ел нәтиҗәләре буенча шәһәр бюджетына кергән Казанның административ комиссияләре карарлары буенча штраф суммасы 191 млн 446 мең сум тәшкил иткән.

Фоторепортаж
Аппарат киңәшмәсе, 9.03.2021
Видеорепортаж
09.03.2021 12:22
2020 елда Казанда административ хокук бозулар саны 17%-ка кимегән
Барлык яңалыклар