Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
03.03.2021, 15:02

Казанда муниципаль парковкалар өч көн рәттән бушлай булачак

Автомобильне 6-нчы, 7-нче һәм 8-нче март көннәрендә түләмичә калдырырга мөмкин булачак.

Фото: Денис Гордийко

(Казан шәһәре KZN.RU, 3-нче март). 6-нчы марттан 8-нче мартка кадәр Казанда муниципаль парковкалар түләүсез эшләячәк. Бу Халыкара хатын-кызлар көнен бәйрәм итү һәм шәһәрдә кече һәм урта бизнес предприятиеләренә ярдәм итү өчен гамәлдә булган ташламалы режим белән бәйле.

Исегезгә төшерәбез, Казанның гомуми кулланылыштагы җирле әһәмияттәге автомобиль юлларында муниципаль парковкалар бәйрәм көннәрендә һәм бәйрәмнәрне күчерүгә бәйле ял көннәрендә бушлай эшлиләр.

8 нче март-Халыкара хатын-кызлар көне дүшәмбегә туры килә һәм, ТР Хезмәт, халыкны эш белән тәэмин итү һәм социаль яклау министрлыгының җитештерү календаре нигезендә, эшләми торган бәйрәм көн булып санала. 

Ял көннәрендә шәһәрдә гамәлдә булган махсус ташламалы режим ярдәмендә муниципаль парковкалар якшәмбе көннәрендә генә түгел, шимбә көннәрендә дә бушлай эшли, шуңа күрә 6-нчы һәм 7-нче март көннәрендә казанлылар анда үз автомобильләрен түләүсез калдыра алачак. Кече һәм урта эшмәкәрлек предприятиеләренә ярдәм чараларының берсе буларак ташламалы режим Казанда 30-нчы апрельгә кадәр гамәлдә.

Эш көннәрендә түләү 7.00 сәгатьтән 18.00 сәгатькә кадәр алына, ә транспорт чарасын 15 минутка кадәр туктатып тору шулай ук бушлай кала. Элегрәк, әлеге чаралар кабул ителгәнче, муниципаль урам парковкалары өчен түләү эш көннәрендә һәм шимбәләрдә 7.00 сәгатьтән 21.00 сәгатькә кадәр алына иде.

 

Барлык яңалыклар