Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
06.04.2020, 09:08

Зур Казан боҗрасында юлүткәргечнең уң як йөрү юлы бетонланган

Мидхәт Булатов урамыннан Борисково урамына кадәр участоктагы беренче этапны төзү дәвам итә.


(Казан шәһәре KZN.RU, 6-нчы апрель). Зур Казан боҗрасының Мидхәт Булатов урамыннан Борисково урамына кадәр участогындагы беренче этабын төзү дәвам итә. Төзелештә 88 инженер-техник персонал һәм 33 техника берәмлеге эшли. Юлүткәргечнең уң як юлының төзелеше инде бетонланган.

Җир өсте җәяүлеләр кичүе конструкцияләрен ныгыту, опалубкаларны монтажлау һәм бетонлау, шулай ук аның пролет төзелешен бергә җыю дәвам итә.

Съездларның җир өслеген һәм юл киемнәрен формалаштыру өчен Булатов һәм Бакый Урманче урамнары чатында грунт эшләнде.

Яңгыр сулары канализациясе салу, уң һәм сул съездлар буйлап коелар урнаштыру дәвам итә, шулай ук Эчке эшләр министрлыгы госпитале районында. Төзүчеләр 4-нче юлүткәргечнең терәк стенасы буендагы чистарту корылмаларына электр чыбыклары суздылар, дип хәбәр итә ТР Транспорт һәм юл хуҗалыгы министрлыгы матбугат хезмәте.

Исегезгә төшерәбез, Зур Казан боҗрасы төзелеше «Имин һәм сыйфатлы автомобиль юллары» илкүләм проекты буенча алып барыла. Зур Казан боҗрасының беренче этабы дүрт полосалы юлны (һәр юнәлештә икешәр полоса) үз эченә ала, ул беренче класслы гомумшәһәр әһәмиятендәге магистраль урам категориясенә туры киләчәк. Каршы хәрәкәт полосалары арасында ике трамвай юлы өчен 9,5 м киңлектәге аерым полоса салыначак, ә тротуарның киңлеге 2-дән 4,5 метрга кадәр тәшкил итәчәк. Ферма шоссесы өстендә беренче этап кысаларында 110 метрга якын озынлык һәм 36 метр киңлектәге транспорт хәрәкәтенең 4 полосасы белән юлүткәргеч төзеләчәк.

Моннан тыш, Борисково урамыннан Техника урамына кадәрге участокта Зур Казан боҗрасының икенче этабы төзелә башлады. Участокның озынлыгы 1,22 чакрым тәшкил итә.   

Барлык яңалыклар