Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
15.04.2021, 09:05

Казан марафонын уздыру вакытында Татарстан башкаласында берничә урам буенча хәрәкәтне чикләячәкләр

Йөгерү буенча традицион ярышлар 1-нче һәм 2-нче майда узачак.

Фото: Казан шәһәре, KZN.RU

(Казан шәһәре KZN.RU, 15-нче апрель). Казан марафонын әзерләү һәм уздыру вакытында Татарстан башкаласында транспорт хәрәкәте чикләнәчәк. Тиешле күрсәтмә Казан муниципаль берәмлегенең Документлар һәм хокукый актлар җыентыгында урын алган.

Транспорт хәрәкәте өчен юлларның түбәндәге участоклары ябылачак:

1-нче май 14.00 сәгатьтән 16.45 сәгатькә кадәр - Сул як Болак урамы, Ташаяк урамыннан алып Таҗи Гыйззәт урамына кадәр; Уң Болак урамы, Муса Җәлил урамыннан Ташаяк урамына кадәр; Кремль яр буе, Сәет Галиев урамыннан алып Батурин урамына кадәр, бер юнәлештә; Ташаяк урамыннан Кремль дамбасына кадәр (Меңьеллык мәйданы), ике юнәлештә.

26-нчы апрельдә 9.00 сәгатьтән 2-нче майның 22.00 сәгатькә кадәр Үзәк стадионның парковкасы, Ташаяк урамы һәм Кремль яр буе урамы ягыннан.

30-нчы апрель 23.00 сәгатьтән 2-нче майның 22.00 сәгатькә кадәр – Ташаяк урамы, Сул Болак урамыннан Сәетгалиев урамына кадәр, ике юнәлештә; Мәскәү урамы буенча 2-нче номерлы йорттан башлап Ташаяк урамына кадәр, ике юнәлештә.

2-нче май 5.30 сәгатьтән 14.15 сәгатькә кадәр – Кремль яр буе, Сәетгалиев урамыннан Батурин урамына кадәр, ике юнәлештә; Сәетгалиев урамыннан Батурин урамына кадәр, Киров дамбасына таба юнәлештә; Кремль яр буе тармаклары арасында; Батурин урамы, Большая Красная урамыннан Кремль яр буе урамына кадәр, ике юнәлештә; Профсоюз урамы, Чернышевский урамыннан алып Уң Болак урамына кадәр, бер юнәлештә; Чернышевский урамыннан Кремль дамбасына кадәр, бер юнәлештә; Кремль дамбасыннан Ташаяк урамына кадәр, бер юнәлештә; Кремль дамбасыннан Ташаяк урамына кадәр, бер юнәлештә; Кремль яр буенда, Сибгат Хәким урамыннан башлап Ташаяк урамына кадәр, ике юнәлештә.

2-нче май 5.45 сәгатьтән 12.30 сәгатькә кадәр – Декабристлар урамы, Кремль дамбасыннан Чистай урамына кадәр ике юнәлештә.

2-нче май 5.45 сәгатьтән 9.30 сәгатькә кадәр – Ибраһимов проспекты, Чистай урамыннан Восстание урамына кадәр, ике юнәлештә.

2-нче май 5.45 сәгатьтән 9.15 сәгатькә кадәр – Волгоград урамы, Ибраһимов проспектыннан Декабристлар урамына кадәр, ике юнәлештә.

2-нче май 6.00 сәгатьтән 11.30 сәгатькә кадәр – Уң як Болак урамы, Пушкин урамыннан Чернышевский урамына кадәр, шулай ук Сул як Болак урамы, Ташаяк урамыннан Татарстан урамына кадәр.

2-нче май 6.30 сәгатьтән 11.00 сәгатькә кадәр – М.Сәлимҗанов урамы, Пушкин урамыннан Назарбаев урамына кадәр, ике юнәлештә: А.Айдинов урамы, М. Сәлимҗанов урамыннан Щербаков тыкрыгына кадәр, ике юнәлештә; Петербург урамы, А.Айдинов урамыннан Н.Назарбаев урамына кадәр, ике юнәлештә.

2-нче май 6.00 сәгатьтән 12.30 сәгатькә кадәр – С.Хәким урамы, Декабристлар урамыннан Ф. Әмирхан урамына кадәр, ике юнәлештә; Миллениум күпере астындагы юл, Ф.Әмирхан урамыннан С. Хәким урамына кадәр, ике юнәлештә, «Современник» торак комплексыннан чыгу мөмкинлеге белән.

2-нче май 6.00 сәгатьтән 12.45 сәгатькә кадәр– С.Хәким урамы, Ф.Әмирхан урамыннан Чистай урамы киселешенә кадәр, ике юнәлештә, А.Козин урамы ягыннан үтәли йөрү мөмкинлеге белән.

2-нче май 6.30 сәгатьтән 12.45 сәгатькә кадәр – Чистай боҗрасы буенча, С.Хәким урамындагы съезддан алып Чистай урамындагы съездга кадәр (ике уң як полоса).

2-нче май 6.35 сәгатьтән 12.45 сәгатькә кадәр – «Ак Барс Арена» стадионы янындагы эчке юл буенча, ике юнәлештә.

2-нче май 6.45 сәгатьтән 12.45 сәгатькә кадәр – Чистай урамындагы өч уң хәрәкәт полосасы, Чистай урамыннан «Ак Барс Арена» стадионы тирәли әйләнү съездына кадәр шулай ук юл Ф.Әмирхан урамында, С.Хәким урамыннан Миллениум күперенә кадәр, күпернең үзендә, С.Хәким урамыннан алып Вишневский урамына кадәр ябылачак.

2-нче май 7.45 сәгатьтән 13.45 сәгатькә кадәр – Подлужная урамы, Миллениум күпереннән алып Подлужная урамы, 17, ике юнәлештә, торак секторыннан Толстой урамы ягына чыгу мөмкинлеге белән.

Исегезгә төшерәбез, Казан марафоны 1-нче һәм 2-нче майда узачак. Профессиональ спортчылар һәм һәвәскәрләр шәһәрнең төп истәлекле урыннары маршруты буенча йөгерәчәк. 

 

Барлык яңалыклар