Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
19.01.2021, 17:17

«Кадрлар резервы» республика проектының яңа XII сезонына гаризалар кабул итү дәвам итә

Гаризаны 2021 елның 24-нче гыйнварына кадәр бирергә мөмкин.

Фото: Казан шәһәре KZN.RU

(Казан шәһәре KZN.RU, 19-нчы гыйнвар). «Кадрлар резервы» республика проектының яңа XII сезонына гаризалар кабул итү дәвам итә. Анда катнашу өчен 16 яшьтән 30 яшькә кадәрге казанлылар чакырыла. Катнашу өчен 24-нче гыйнварга кадәр гариза тапшырырга кирәк.

2021 елда «Кадрлар резервы» программасы «шәхси нәтиҗәлелек» кебек модульләрдән торачак – катнашучыларны үз максатларына минималь срокларда ирешергә өйрәтәчәкләр; «команда» – катнашучылар арасында аралашу буенча күнекмәләрен формалаштырачак, команда рольләрен билгели һәм командада катнашучы һәр катнашучының шәхси сыйфатларын арттырачак, уртак эштән синергетик нәтиҗәгә ирешеп; «үз проекты өстендә эшләү һәм социаль проектлау» – катнашучыларны үз идеясен дөрес итеп тәкъдим итәргә, аны проектка әверелдерергә, эшчәнлекләрен планлаштырырга һәм тирә-юньдәгеләргә файда китерергә өйрәтәчәк, дип хәбәр итә ТР балалар һәм яшьләр эшләре министрлыгы.

Проектта катнашу өчен 24-нче гыйнварга кадәр сайтта гариза бирергә кирәк. Сайлап алуның алдагы этаплары булып экспертлар белән тестлаштыру һәм турыдан-туры әңгәмә булачак. Сайлау мотивацияне, тәҗрибәнең булуын, шәхси казанышларны, дәгъвачыларның лидерлык потенциалын билгеләргә мөмкинлек бирә.

Исегезгә төшерәбез, «Кадрлар резервы» проекты Татарстанда 2009 елдан бирле тормышка ашырыла. Проектта 11 ел дәвамында 12,6 меңнән артык кеше катнашты. Барлыгы 2170 кеше укытылган, шулардан 210 «резервист» Татарстан Республикасы дәүләт һәм муниципаль хакимият органнарына эшкә чакырылган; 260-тан артык катнашучы һәм проектның финалистлары сәнәгать һәм коммерцияле секторлар предприятиеләренә эшкә урнаштырылган; 75 проект тормышка ашырылган, 2350 социаль акция гамәлгә ашырылган, 350-дән артык интерактив-белем бирү чарасы үткәрелгән.

Барлык яңалыклар