Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
18.10.2019, 14:50

Рөстәм Мавлин иң яхшы югары сыйдырышлы автобус йөртүчесе дип танылды

Казанда автобус йөртүчеләр һәм кондукторлар арасында һөнәри осталык конкурсына йомгак ясалды.


(Казан шәһәре KZN.RU, 18-нче октябрь). Автобус йөртүчеләр һәм кондукторлар арасында һөнәри осталык конкурсында җиңүчеләр билгеле булды. Ярышлар бүген «ПАТП-2» муниципаль унитар предприятиесендә Автомобиль һәм шәһәр пассажир транспорты хезмәткәрләре көне алдыннан үткәрелде.

«ПАТП-2» муниципаль унитар предприятиесе хезмәткәре Рөстәм Мавлин югары сыйдырышлы автобус йөртүчеләр арасында беренче урынны яулады, ул шулай ук юл хәрәкәте кагыйдәләрен белү номинациясендә җиңүче булды. Икенче урында - «ПАТП-4» муниципаль унитар предприятиесе шоферы Алексей Савельев, өченчедә - «ПАТП-4» муниципаль унитар предприятиесе шоферы Нияз Гарифуллин.

Уртача сыйдырышлы автобус йөртүчеләр арасында җиңүчеләргә килгәндә, бу категориядә беренчелекне «ПАТП-2» муниципаль унитар предприятиесе хезмәткәре Алексей Митрофанов яулады, икенче урында - «Республика Автовокзалы» җаваплылыгы чикләнгән җәмгыяте шоферы Илгиз Ганиуллин, «бронза»га «КПАП 7» җаваплылыгы чикләнгән җәмгыяте шоферы Александр Бударин лаек булды.

Кондукторлар арасында «ПАТП-2» муниципаль унитар предприятиесеннән Марина Гайнуллина иң яхшысы дип табылды, икенче урында - «Республика автовокзалы» җаваплылыгы чикләнгән җәмгыяте кондукторы Фәридә Ганиуллина, өченче урында - «ПАТП-4» муниципаль унитар предприятиесе хезмәткәре Венера Дорофеева.

Исегезгә төшерәбез, автобус йөртүчеләр һәм кондукторлар арасында һөнәри осталык конкурсында Казанның транспорт предприятиеләреннән 12 команда катнашты.

Сынау ике этаптан торды – теоретик һәм практик. 

Фоторепортаж
Автобус йөртүчеләр һәм кондукторлар арасында һөнәри осталык конкурсы, 18.10.2019
Видеорепортаж
18.10.2019 11:58
Барлык яңалыклар