Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
23.09.2020, 16:30

«Алтын тәлинкә» II төбәкара кинопремиясендә катнашу өчен гаризалар кабул ителә башлады

Милли кино өлкәсендәге казанышлары өчен бүләкне конкурс нигезендә яшь авторларга тапшырачаклар.

Фото: Казан шәһәре KZN.RU


(Казан шәһәре KZN.RU, 23-нче сентябрь). Казанда гамәлгә куелган II Төбәкара «Алтын тәлинкә» («Золотая тарелка») кинопремиясендә катнашу өчен гаризалар кабул итү башланды. Милли кино өлкәсендәге казанышлары өчен бүләкне конкурс нигезендә экспертларның һәм тамашачылар рейтингларының яшерен тавыш бирү нәтиҗәләре буенча берничә номинация буенча яшь авторларга тапшырачаклар.

Кинопремиядә катнашу һәм регламент белән танышу өчен рәсми сайтта гариза бирергә кирәк.

«Алтын тәлинкә» – Россия төбәкләрендә яшь авторларны ачыклау, милли кино күрсәтү, аның географиясен киңәйтү һәм аудиторияне арттыру максатыннан төзелгән кинематография өлкәсендәге беренче премия. 35 яшькә кадәрге проектта катнашучылар акчалата приз белән җиңүгә дәгъва итә ала. Моннан тыш, төрле яшьтәге авторлар, кинопроцесста катнашучылар һәм актерлар өчен төрле номинацияләр буенча «Алтын тәлинкә» премиясе булдырылган, дип хәбәр итә «Время кино» дирекциясе матбугат хезмәте.

Яшь кинематографистлар эшләрен өч критерий буенча бәяләячәкләр: үз төбәгендә һәм аннан читтә уңышлы прокат, фестивальнең уңышлы алга китүе (шул исәптән халыкара аренада) һәм интернет-активлыкның югары рейтингы.

15-нче октябрьдән тамашачыларның тавыш бирүе башлана. Нәтиҗәләр чыгару ике этапта үткәрелә: 27-нче декабрьдә – Халыкара кино көне алдыннан (тамашачылар рейтинглары нәтиҗәләре буенча) һәм 2021 елның 27-нче августында – Россия киносы көнендә (эксперт тавыш бирү нәтиҗәләре буенча).

Кинопремиянең инициаторы булып «Время кино» кинопроектларга ярдәм итү һәм фестивальләрен оештыру Дирекциясе тора. Проект Президент грантлары фондының финанс ярдәме белән гамәлгә ашырыла.

Барлык яңалыклар