Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
02.04.2020, 11:42

Татарстан спортчылары онлайн-күнегүләр марафонын башлап җибәрә

Тренировкалар марафонын 3-нче апрельдә Россиянең атказанган спорт мастеры, фехтование буенча җәйге Олимпия уеннарының көмеш призеры Камилла Гафурҗанова ачачак.


 (Казан шәһәре KZN.RU, 2-нче апрель). Татарстан спортчылары «Өйдә спорт белән шөгыльлән. Спорт - тормыш нормасы» акциясенә кушылды. 3-нче апрельдән төрле спорт төрләре вәкилләре, шул исәптән башка төбәкләрдә һәм илләрдә яшәүчеләр, үзләренең Instagram-аккаунтларында туры эфирда тренировкалар уздырачак.

Тренировкалар марафонын 3-нче апрельдә Россиянең атказанган спорт мастеры, фехтование буенча җәйге Олимпия уеннарының көмеш призеры Камилла Гафурҗанова ачачак. Дәрес 20.00 сәгатьтә башлана.

6-нчы апрельдә тренировканы Россиянең спорт мастеры, тхэквондо буенча дөнья һәм Европа чемпионатлары призеры Карина Тищенко үткәрәчәк. Дәресләр 14.00 сәгатькә планлаштырылган.

Россиянең халыкара класслы спорт мастеры, нефть чыгаручы илләр арасында бокс буенча Дөнья кубогы җиңүчесе Артур Субханкулов 8-нче апрельдә 14.00 сәгатьтә күнегүләр уздырачак.

Шул ук вакытта 10-нчы апрельдә Россиянең спорт мастеры, карате буенча Россия чемпионы Алинә Шишканова белән күнегүләр ясарга мөмкин булачак.

13-нче апрельдә Россиянең атказанган спорт мастеры, күп тапкырлар Россия чемпионы, 2013 елгы Универсиада җиңүчесе регбист Рамил Гайсин, 15-нче апрельдә Россиянең халыкара класслы спорт мастеры, самбо буенча Европа чемпионы Альберт Шәнгәрәев тренировка уздырачак.

Марафонның ахыргы тренировкасы 17-нче апрельдә узачак - аны Россиянең спорт мастеры, дзюдо буенча Европа беренчелеге җиңүчесе һәм призеры Нияз Билалов үткәрәчәк. Укулар 14.00 сәгатьтә башлана.

live-күнегүләргә ике континенттан Сан-Франциско, Мәскәү, Красноярск, Уфа кебек шәһәрләр кушылачак. Шулай ук проектны Казан, Кукмара һәм Татарстанның башка шәһәрләре һәм районнары хуплаячак.

Һәр тренировканың уртача озынлыгы 1 сәгать тәшкил итәчәк. Дәресләрнең күпчелек өлеше спорт күнегүләренә багышлана, әмма онлайн-дәресләрне алып баручылар максатчан рәвештә тамашачыларны эфирга тоташтырачак, алар белән аралашачак һәм реаль вакыт режимында сорауларга җавап бирәчәк.

Күнегү дәресләрендә актив катнашучылар өчен партнерлардан һәм оештыручылардан бүләкләр һәм призлар каралган, дип хәбәр итә ТР Спорт министрлыгы матбугат хезмәте.
Барлык яңалыклар