Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
15.03.2021, 12:52

2021 елда яңа һөнәрләргә эшсез казанлыларның кимендә 12%ын өйрәтү планлаштырыла

Уку программасы эш бирүчеләрнең сорауларын исәпкә алып киңәйтеләчәк.

Фото: Казан шәһәре KZN.RU

(Казан шәһәре KZN.RU, 15-нче март, Ксения Швецова). Казанда 2020 елда мәшгульлек хезмәте базасында һөнәри белем бирүне 1038 эшсез узган, шуларның 478-е эшче белгечлекләр буенча белем алган. Быел укыту берничә яңа белгечлек буенча үткәреләчәк, алар арасында – кунакханә администраторы, кадрлар буенча менеджер, веб-дизайнер, туризм буенча менеджер, электромонтажчы һәм башкалар. Бу хакта бүген эшлекле дүшәмбедә Казан халкын эш белән тәэмин итү үзәге директоры Тимур Муллин хәбәр итте.

Гомумән алганда, укыту программасы 33 белгечлекне үз эченә алган. Исемлек ел саен эш бирүчеләрнең сорауларын исәпкә алып киңәя. Узган елда «Демография» милли проекты программасы кысаларында бала карау ялында булган 823 хатын-кыз һәм 50 яшьтән 986 граждан белем алды, дип хәбәр итте Т.Муллин.

Шулай ук Казанда «Яшь профессионаллар («Ворлдскиллс Россия») союзы белән берлектә яңа коронавирус инфекциясе таратудан зыян күргән кешеләрне профөйрәтүне оештыру проектын гамәлгә ашырдылар. Программа мәгариф оешмаларын тәмамлаучыларга, эштән азат ителү куркынычы булган кешеләргә һәм эшсез шәһәр халкына ярдәм йөзеннән юнәлтелгән иде. Алар өчен яңадан укыту өчен 68 компетенциядән торган исемлек эшләнде.

«3 мең 405 кеше белем алуга кереште һәм аны уңышлы тәмамлады, 2 меңнән артык кеше – белем бирү оешмаларын тәмамлаучылар, тагын 1,3 мең кеше – эш эзләүче гражданнар», – дип хәбәр итте Халыкны эш белән тәэмин итү үзәге җитәкчесе.

Исегезгә төшерәбез, бүгенге көндә Казанда эшсезләр сыйфатында 14 меңнән артык кеше теркәлгән.

Фоторепортаж
Эшлекле дүшәмбе, 15.03.2021
Видеорепортаж
15.03.2021 11:05
Казанда эшсезлек сизелерлек кимегән
Барлык яңалыклар