Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
25.04.2019, 16:09

ТР башкаласы халкы һәм кунаклары Казансу акваториясендә Россиянең иң көчле яхта спорты белән шөгыльләнүчеләрне күрәчәк

Казанда җилкәнле фестивальне лига премьер дивизионында катнашучылар ачып җибәрәчәк.

(Казан шәһәре KZN.RU, 25-нче апрель). Казанда беренче тапкыр Милли парус лигасы регатының өченче сериясе узачак. Россиянең иң көчле "яхта спорты белән шөгыльләнүчеләрен" шәһәр халкы һәм Татарстан башкаласы кунаклары Казансу акваториясендә «Ривьера» кунакханә-күңел ачу комплексы янында күрә алачак. Катнашучылар үзара өч дивизионда ярыша: югары, премьер һәм балалар арасында.

Казанда җилкәнле фестивальне лига премьер дивизионында катнашучылар ачып җибәрәчәк. Әйтик, 23-26 май көннәрендә экипажлар бүләк өчен генә түгел, киләсе елның югары дивизионына эләгү өчен дә көрәшәчәк.

Киләсе уикендта, 30-нчы майдан 2-нче июньгә кадәр, югары һәм балалар дивизионнарында турнир узачак. Сүз уңаеннан, балалар дивизионы беренче тапкыр республика беренчелеге масштабларына кадәр киңәйтеләчәк.

Казан этабы күпсанлы катнашучыларны җыячак – алар 300-дән артык булыр дип көтелә: югары дивизионда 120 катнашучы, премьер дивизионда 100 катнашучы һәм 80 бала. Олимпия уеннарында җиңүчеләр һәм катнашучылар, дөнья һәм Европа чемпионнары, Россия җыелма командасы әгъзалары кунак буларак катнашачаклар. Чара Татарстан Республикасы Хөкүмәте инициативасы һәм ярдәме белән үткәрелә.

Лиганың бишенче сезоны 12-нче апрельдә Мәскәүдә башланды. Казан лиганың өченче этабын кабул итәчәк, алдагы икесе Сочи һәм Туапсада узды. Лиганың дүртенче, бишенче һәм алтынчы этаплары Түбән Новгородта, Санкт-Петербургта һәм Калининградта үтәчәк. Балалар регаталары Мәскәүдә һәм «Артек» халыкара балалар үзәге базасында өстәмә рәвештә узачак, дип хәбәр итә оештыручылар.

Милли парус лигасы – экипажларны күчереп утырта торган ярышларның аерым форматы буенча уза торган күп этаплы узыш. Һәр ярыш якынча 20 минут дәвам итә һәм ярдан ерак түгел уза.

Барлык яңалыклар