Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
23.09.2019, 11:44

Казанда мода, дизайн һәм урам перфомансының «Тәрәзә» фестивале ачылачак


(Казан шәһәре KZN.RU, 23-нче сентябрь, Алена Мирошниченко). 26-29 сентябрьдә Казанда мода, дизайн һәм урам перфомансына багышланган «Тәрәзә» («Окно») фестивале узачак, шулай ук Туризм көнен билгеләп үтәчәкләр. Шәһәрдә югары мода турында көндез һәм төнлә фильмнар күрсәтү, лекторий, дизайн тамаша-куелышлары, конкурслар һәм башка чаралар планлаштырылган. Бүгенге эшлекле дүшәмбе вакытында Туризмны үстерү комитеты рәисе Дарья Санникова хәбәр иткәнчә, быел фестиваль узган еллар белән чагыштырганда масштаблырак узачак.

Бөтен илдән китерелгән курчаклар күргәзмәсе беренче вакыйга булып булачак. Ул 26-нчы сентябрьдә 16.00 сәгатьтә Татарстан Халыклары дуслыгы йортында ачылачак һәм 29-нчы сентябрьгә кадәр дәвам итәчәк. Күргәзмә залына шәһәр халкы һәм кунаклар бушлай керә алачак.

27-нче сентябрьдә 16.00 сәгатьтә Казан дәүләт мәдәният һәм сәнгать институтында Fashion film day башланачак. Биредә югары мода турында популяр фильмнар күрсәтеләчәк: «Прет-а-порте», «Сентябрь номеры». «Ретроспектив фильм лекторий формасында узачак. Дөнья кинематографы мисалында танылган Россия дизайнеры Екатерина Борисова модалы индустриядәге эшнең икенче ягы турында сөйләячәк. Чарага керү ирекле», - дип билгеләп үтте Дарья Санникова.

Шул ук кичтә «Мир» кинотеатрында Fashion film Night планлаштырылган. Спикер билгеләп үткәнчә, бу - Казан өчен сирәк очрый торган төнге кино күрсәтү форматы. Тамашачылар мода өлкәсендә танылган дизайнерлар, стилистлар, глянц журнал мөхәррирләре һәм дини шәхесләр турында фильмнар карый алачак: алар арасында Анна Винтур, Анна Маньяни, Карл Лагерфельд, Джон Гальяно, Энни Лейбовиц һәм башкалар бар. Кинотеатр 22.00 сәгатьтән 2.00 сәгатьә кадәр эшләячәк.

Казан федераль университетында Heritage дизайнерларының иҗади конкурсы узачак. Профильле югары уку йортларының дизайнерлары һәм осталары, укучылары һәм педагоглары, сәнгать белгечләре, милли кием өлкәсендә эшләүче фәнни хезмәткәрләр һәм белгечләр үзара түбәндәге номинацияләрдә көч сынашачаклар: «Этнографик костюм», «Заманча автор костюмы», «Сәхнә костюмы», «Милли киемдәге курчак». Иң яхшы катнашучыга гран-при тапшырылачак. Конкурсантларның эшләренә Рөстәм Исхаков, Екатерина Борисова һ.б. танылган Россия дизайнерлары бәя бирәчәк.

Конкурстан соң «Татарстан: бергә яшәү сәнгате. Рус һәм татар костюмының үзара тәэсир итешү тарихы» темасына лекция узачак. Барлык теләүчеләр дә паблик-токны карый һәм спикерларны 14.00 сәгатьтән 15.00 сәгатькә кадәр Казан федераль университетында тыңлый алачак.

28-нче сентябрь көнне Г.Камал исемендәге Татар дәүләт академия театры янындагы мәйданда «Әйдә, костюм» милли киемнәр тамаша-күрсәтелеше булачак. Затлы дефиле белән теләгән һәркем таныша ала. Биредә үк фудкорт зонасында милли ризыкларны татып карарга, лингвистик мастер-классларда яңа сүзләр өйрәнергә, шулай ук дөньяның төрле илләрендә үткәрелә торган традицияләр һәм йолалар турында белергә мөмкин булачак. Чара 11.00 сәгатьтә башлана.

«Фестиваль ахырында, махсус 27-нче сентябрьдә билгеләп үтелә торган Туризм көне уңаеннан, Г.Камал театры каршындагы мәйданда «Җир шары тирәсендә» дип аталган зур әйлән-бәйлән узачак. Ул тамаша-куелышның кульминациясе булачак, - дип сөйләде Д.Санникова. Казан кунаклары һәм төрле милләт костюмнары кигән казанлылар зур әйлән-бәйләндә катнашчаклар. Соңыннан зур чәй табыны әзерләнәчәк. Моның өчен театр янында 200 кеше сыйдырышлы өстәл куелачак, анда шулай ук зур самавыр урнашачак. Ә милли киемнәрдә килгән катнашучыларны шәһәрнең яңа гастрономик символы – «Казан» торты белән сыйлаячаклар.

Моннан тыш, Туризмны үстерү комитеты милли киемнәрдә төшү буенча фотографияләр бәйгесе дә үткәрәчәк. Тамаша-куелышта катнашучыларга Instagram социаль челтәрендә фотосурәтләр урнаштырырга, Туризмны үстерү комитетының рәсми аккаунтын билгеләргә һәм #айдакостюм хэштегын куярга кирәк. Иң күп лайк җыйган катнашучы җиңүче булачак.

«Моннан тыш, фестиваль кысаларында без Казанда яшәүче төрле милләт вәкилләренә багышланган махсус проект үткәрергә планлаштырабыз. Аңа шәһәрнең медиа йөзләрен җәлеп итәргә телибез. Аларның һәркайсы милли киемнәрдә фотосессиядә катнаша, ә аннары социаль челтәрләрдә халыкка хас мәдәни традицияләр һәм гореф-гадәтләр турында сөйли ала. Махсус проектның максаты - төрле этнос вәкилләрен берләштерү һәм төрле халыклар һәм аларның гореф-гадәтләре турында мәгълүмат тарату», - дип хәбәр итте Д.Санникова.

Ул шулай ук бу атнада шәһәр халкы һәм Татарстан башкаласы кунаклары күмәк урнашу мөмкинлегеннән, Казан объектлары һәм рестораннары чараларыннан күңелле бонуслардан файдалана алачаклар, дип өстәде. Туризм көненә алар үз килүчеләренә кызыклы акцияләр һәм «Туризм көне» дигән кодлы сүз буенча ташламалар тәкъдим итәләр. Ә 27-нче сентябрьдә шәһәр муниципаль музейлары бушлай эшләячәк.

«Казанда туристлык тармагының яңа вакыйгалар һәм чаралар белән үсүе бик мөһим. Бу - һәрвакыт яхшы магнит кебек, бигрәк тә барлык бәйрәмнәрдә дә катнашучы шәһәр халкы, шулай ук безнең кунаклар өчен, аларның саны елдан-ел арта бара», - дип бәяләде әлеге чараны Казан Мэры Илсур Метшин.
Фоторепортаж
Эшлекле дүшәмбе, 23.09.2019
Видеорепортаж
23.09.2019 11:42
Барлык яңалыклар