Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
01.03.2021, 13:52

Казанда 2021 елда 960 мең кв.м торак төзү планлаштырыла.

Социаль ипотека программасы буенча 1345 фатирга исәпләнгән алты торак йорт төзелеп бетәчәк.

Фото: Денис Гордийко

(Казан шәһәре KZN.RU, 1-нче март, Ксения Швецова). Быел Казанда 960 мең кв.м торак төзү планлаштырыла – мондый күрсәткеч ТР Төзелеш министрлыгы тарафыннан билгеләнгән. Шуларның 848 мең кв.метры күпфатирлы йортларга һәм 112 мең кв.метры шәхси торак төзелешенә туры киләчәк, дип хәбәр итте бүген эшлекле дүшәмбедә Башкарма комитет җитәкчесенең беренче урынбасары Азат Нигъмәтҗанов.

«Социаль ипотека программасы буенча быел 1345 фатирлык алты торак йортны төзеп бетерү планлаштырыла, – дип билгеләп үтте А.Нигъмәтҗанов. – Моннан тыш, «Салават күпере» микрорайонының икенче кварталында 85 мең квадрат метрдан аз гына артык мәйданлы 1716 фатирга исәпләнгән 18 йорт төзелеше башлана, шулардан 864 фатирга исәпләнгән 9 йортны 2021 елда тәмамлау планлаштырыла».

Исегезгә төшерәбез, 2020 ел нәтиҗәләре буенча Казанда 884 мең кв.м торак төзелгән һәм файдалануга тапшырылган. Бу күрсәткеч буенча Татарстан башкаласы Идел буе федераль округының башка шәһәрләре арасында беренче урында тора.

Хәзерге вакытта шулай ук, федераль һәм республика программалары кысаларында, 2725 урынлык ике мәктәп («Салават күпере» торак комплексындагы 1224 урынлык мәктәп һәм Совет районындагы Ершов урамы буенча 1501 урынлык мәктәп) төзелә. Моннан тыш, «Демография» милли проекты һәм «Стимул» программасы буенча сигез балалар бакчасы төзелә.

Фоторепортаж
Эшлекле дүшәмбе, 01.03.20021
Видеорепортаж
01.03.2021 10:48
2020 елда Казанда 884,7 мең кв. м торак төзелгән
Барлык яңалыклар