Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
08.07.2020, 13:49

Казанда «фон»ның «МЧС» торак комплексындагы өченче һәм дүртенче йортлары төзелә башлады

«Молодежный» һәм «МЧС» торак комплекслары йортларындагы эшләр барышын Башкарма комитет җитәкчесенең беренче урынбасары Азат Нигъмәтҗанов тикшерде.


(Казан шәһәре KZN.RU, 8-нче июль, Алсу Сафина). Казанда алданган өлешчеләрнең проблемалы объектларын төзү дәвам итә, аерым алганда, «фон»ның «МЧС» торак комплексындагы өченче һәм дүртенче йортлары төзелә башлады. Ике «фон» торак комплексы - «Молодежный» һәм «МЧС» йортларында эшләр барышын бүген күчмә киңәшмә вакытында Башкарма комитет җитәкчесенең беренче урынбасары Азат Нигъмәтҗанов тикшерде. Штаб эшендә подрядчы оешмалар, «Фон» компанияләр төркеме вәкилләре һәм башкалар катнашты.

Киңәшмә «фон»ның Нокса авышлыгы буенча урнашкан «Молодежный» торак комплексының икенче йорты төзелеше мәйданчыгында башланды. Озакка сузылган төзелештәге эшләр 2018 елның көзендә яңадан башланды. Эшләрнең бер өлешен, өлешчеләр акчасына, 14-16 катлы йортта «ГК «СК Строй» җаваплылыгы чикләнгән җәмгыяте башкарган, хәзер объектны төзеп бетерү белән «Ак таш» шөгыльләнә - 2018 елда төзелгән өлешчеләргә ярдәм итү республика фонды катнашында. Объектны төзеп бетерүне финанслау подрядчыга -«Ак таш»ка - 33-нче хәрби шәһәрчектә 28 мең кв.м мәйданлы республика җир кишәрлеген бирү юлы белән башкарыла.

Бүгенге көндә объектта 87 төзүче эшли, ә 190 фатирлы йорт югары әзерлек дәрәҗәсендә. Киңәшмәдә катнашучылар суырту җиһазларын, лифтларны монтажлау, су үлчәү төенен техник тоташтыру сроклары һәм башка мәсьәләләр буенча фикер алыштылар. Штаб эшендә катнашкан өлешчеләр йортны тапшыру сроклары белән кызыксындылар. «Без үзебезгә билгеле бер сроклар куйдык, аларны сакларга тырышабыз», - дип билгеләп үтте Азат Нигъмәтҗанов һәм төзелеш тәмамлангач, объектның Дәүләт төзелеш күзәтчелеге тикшерүен узачагын ассызыклады.

Исегезгә төшерәбез, «Молодежный» торак комплексында барлыгы 5 йорт, биредә төзелеш 2010 еллар башында старт алган һәм берничә елдан, төзүченең банкротлыгы сәбәпле, туктатылган. 2015 ел ахырында торак комплексының дүртенче йорты файдалануга тапшырылды, 2017 ел ахырында - өченче йорт, ә 2019 елның декабрендә - беренче йорт. Икенчесе кебек үк, беренче йортны төзү белән дә «Ак Таш» компанияләр төркеме шөгыльләнгән.

Киңәшмә «фон»ның «МЧС» торак комплексындагы икенче йортның төзелеш мәйданчыгында дәвам итте. Торак комплекска 5 йорт керә, бүгенгә алардан 527 фатирлы беренче йорт һәм 102 фатирлы бишенче йорт тапшырылган.

«МЧС» торак комплексының икенче йортын төзү 2012 елда башланган һәм 2016 елда тәмамланырга тиеш булган. Ике ел элек объект төзелешен яңарту омтылышлары булды, әмма финанслау булмау сәбәпле эшләр туктатылды. Хәзер 528 фатирлы икенче йортны, беренчесе сыман, блоклап тапшыру күздә тотыла.

Беренче этап кысаларында «А» блогын файдалануга кертү планлаштырыла. Эшләрне яңадан торгызу өчен монда Дәүләт экспертизасының уңай бәяләмәсе алынды. Объект подрядчысы - Ижевскның «Комосстрой» компаниясенә Губкин урамы буенча урнашкан 9409 кв.м мәйданлы федераль җир кишәрлеге бирелгән.

Бүгенге көндә өч подъездлы «А» блогын төзеп бетерүгә 76 белгеч җәлеп ителгән. Эшләр график буенча бара. Аерым алганда, төп монолит эшләр төгәлләнгән, кирпеч салу, җылылык системасын монтажлау, штукатур һәм башка эшләр бара. Шуның белән бергә, күрше 18 катлы блокта манаралы кран белән эшләр алып барыла - фасадта, түбәдә, шулай ук кирпеч өю. Аларны «А» блогын тапшырганчы тәмамларга кирәк.

Калган блокларны төзү белән «Ак таш» шөгыльләнә - узган елның декабрендә өлешле төзелештә катнашучы гражданнарның хокукларын яклау федераль фонды белән имзаланган килешү кысаларында. Финанслау федераль һәм республика акчалары исәбеннән гамәлгә ашырыла. Исегезгә төшерәбез, 2019 елда Татарстанда алданган өлешчеләрнең проблемаларын хәл итү өчен тагын бер фонд булдырылды, ул турыдан-туры Дом.РФ федераль фонды белән эшли.

Шулай ук әлеге килешү буенча бер ай элек «Ак таш» компаниясе катнашында «МЧС» торак комплексының һәрберсендә 574 фатир булган өченче һәм дүртенче йортларын төзү яңартылды, алар «Фон» компанияләр төркеме объектлары арасында иң аз әзерлек дәрәҗәсендә булган. Проектлар элегрәк эшләнде һәм Дәүләт экспертизасының уңай бәяләмәсе алынды, шуның нәтиҗәсендә 2018 елда һәм 2019 елда әлеге объектлар төзелешенә рөхсәт алынды. Хәзерге вакытта өч объектта - икенче, өченче һәм дүртенче йортларда 300-гә якын кеше эшли.

Моннан тыш, федераль фонд программасы буенча «Молодежный» торак комплексының бишенче йортында эшләр яңадан башланды, ул шулай ук субай этабында иде. Хәзер объектта фундаментлар тәртипкә китерелгән, подрядчы булып «Ак таш» чыгыш ясый.

Фоторепортаж
<p>«МЧС» һәм «Молодежный» торак комплекслары төзелеш мәйданнарында күчмә киңәшмә, 08.07.2020</p>
Барлык яңалыклар