Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
11.02.2021, 17:30

Татарстанда 15 мартка кадәр «Закон территориясе» конкурсына эшләр кабул итү дәвам итә

Конкурста катнашу өчен текст, график, фото - һәм видеомәгълүмат белән альбом формалаштырырга кирәк.

Фото: Денис Гордийко

(Казан шәһәре KZN.RU, 11-нче февраль). Татарстанда 15-нче мартка кадәр ел саен үткәрелә торган «Закон территориясе» конкурсына эшләр кабул итү дәвам итә.

Конкурс авыл җирлекләре, муниципаль районнар һәм шәһәр округлары, барлык милек рәвешләрендәге оешмалар, мәгариф учреждениеләре, спорт, мәдәни үзәкләр, яшүсмерләр һәм яшьләр белән эшләүче клублар, шулай ук хосусый сак оешмалары, хокук саклау юнәлешендәге иҗтимагый берләшмәләр арасында уздырыла.

Конкурста җиде номинация каралган: «Авыл җирлеге территориясендә хокук тәртибен тәэмин итүгә өлеш керткән өчен», «Муниципаль район һәм шәһәр округы территориясендә хокук тәртибен тәэмин итүгә өлеш керткән өчен», «Хокук саклау эшчәнлегенә ярдәм иткән өчен», «Мәгариф оешмаларында укучылар арасында хокук бозуларны профилактикалауга өлеш керткән өчен», «Яшь буынны тәрбияләүгә өлеш керткән өчен, җәмгыятьнең хокукый нигезләренә яшьләрдә һәм яшүсмерләрдә ихтирам уяткан өчен», «Шәхси саклау оешмаларын җәлеп итеп, җәмәгать тәртибен саклауга өлеш керткән өчен», «Җәмәгатьчелекне җәлеп итеп, җәмәгать тәртибен саклауга өлеш керткән өчен».

Конкурста катнашу өчен текст, график, фото - һәм видеомәгълүмат белән альбом формалаштырырга кирәк. Бәяләү критерийлары конкурс турындагы нигезләмәдә тасвирланган. Конкурска материаллар «Закон территориясе» конкурсына» дигән тамга белән ТР буенча Эчке эшләр министрлыгына 420111, Казан, Дзержинский урамы, 19 адресы буенча тапшырыла.

Беренче этапта һәр номинация буенча җиңүчеләр муниципаль районнарда һәм шәһәр округларында билгеләнә. Аннары конкурс беренче этапта җиңүчеләр арасында үткәрелә. Нәтиҗәдә, һәр номинациядә беренче, икенче һәм өченче урыннарны алган җиңүчеләрне, шулай ук ике лауреатны билгеләячәкләр, дип хәбәр итә хокук бозуларны профилактикалау буенча Татарстан Республикасы Хөкүмәт комиссиясе.

Конкурсны Татарстан Республикасы буенча Эчке эшләр министрлыгы һәм Татарстан Республикасы Министрлар Кабинеты оештыра.

Барлык яңалыклар