Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
18.05.2020, 09:57

Татарстанда музейлар һәм китапханәләр эше яңартыла

Тиешле карар ТР Министрлар Кабинетында имзаланды.


(Казан шәһәре KZN.RU, 18-нче май). 18-нче майдан Татарстанда китапханәләр һәм музейлар эшли башлый. Экскурсияләрне индивидуаль рәвештә яки биш кешедән артык төркемнәрдә үтеп була, ә экскурсия хезмәте күрсәтү өчен махсус радиоҗиһазлар кулланганда - уннан артык булмаган кеше катнаша ала. Тиешле карар ТР Министрлар Кабинетында имзаланды.

Шулай ук 18-нче майдан Татарстанда спорт үзәкләре, йөзү бассейннары һәм фитнес-заллар эшли башлый, әмма спорт белән индивидуаль тренер белән генә шөгыльләнергә мөмкин.

Моннан тыш, профессиональ спортчыларга - Татарстан һәм Россия җыелма командалары әгъзаларына - ачык һавада күнегүләр ясарга рөхсәт ителә. Барлык татарстанлылар да ачык һавада физкультура һәм спорт белән шөгыльләнә ала, шул ук вакытта күнегүләрне ясаучылар саны берьюлы ике кешедән артмаска тиеш, ә алар арасындагы ераклыкның кимендә 5 метр булуы зарур. Балалар уен һәм спорт мәйданчыкларында, паркларда, скверларда, күпфатирлы йортларның ишегалларында спорт һәм физкультура белән шөгыльләнү тыела.

Исегезгә төшерәбез, 12-нче майдан Татарстанда үзизоляция режимы йомшартыла башлады, әмма җәмәгать урыннарында битлекләр, перчаткалар кияргә һәм социаль дистанцияне үтәргә кирәк.

Барлык яңалыклар