Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
04.12.2021, 10:45

«Замбези елгасы» зоопаркында Квабена исемле горилла барлыкка килде

Приматны Татарстан башкаласына Мәскәү зоопаркыннан алып кайтканнар.


Фото: Марат Мугинов

(Казан шәһәре KZN.RU, 4-нче декабрь). Бүген Казан зооботаника бакчасында яңа яшәүче – Квабена исемле горилла пәйда булды. Приматны «Замбези елгасы» комплексына Мәскәү зоопаркыннан алып кайтканнар.

Квабена 2013 елның 5-нче февралендә туган. Мәскәү зоопаркында ул башка приматлар белән зур төркемдә яшәгән.

«Күчерү уңышлы узды, юлны ул яхшы кичерде. «Газель»дә алып кайттык, махсус рәвештә кирәкле +22 градусны сакладык, – дип сөйләде Казан зооботаника бакчасының «Экзотариум» бүлеге мөдире Татьяна Ганибаева. Хәзер ул 30 көн дәвамында кырыс карантинда булачак – башка хайваннар белән дә, килүчеләр белән дә контакт булмаячак».

 

Хайванны инфекцияләр, паразитлар булу-булмауга тикшерәчәкләр. Карантин тәмамлангач, аны яңа дусты – горилла Нгува белән таныштырачаклар, ул зооботаника бакчасына бу елның ноябрендә урнашты. Сүз уңаеннан, ике примат та бер елгы – аларга 8 яшь.

«Аларны әкренлек белән таныштырачакбыз. Башта алар бер-берсен күрәчәкләр һәм аралашачаклар, рәшәткә аша иснәшәчәкләр. Аннары Мәскәүдән белгечләр киләчәк, һәм алар белән бергә без гориллаларны «кушачакбыз», – дип сөйләде Татьяна Ганибаева. – Бу катлаулы процесс, үзләрен ничек тотачаклары билгеле түгел. Шуңа күрә Квабена белән элегрәк Мәскәүдә эшләгән белгечләрнең булуы таләп ителә».

Исегезгә төшерәбез, Нгуваны Казан зоопаркына испан сафари-паркыннан китерделәр. Хәзер ул уңайлы җылытыла торган вольерда ялгызы яши.

Фото чыганагы: Казан зооботаника бакчасы

Барлык яңалыклар