Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
24.11.2020, 10:15

Яшь казанлылар халык санын алуга багышланган рәсемнәр конкурсында катнаша ала

Эшләрне социаль челтәрләрдә 2021 елның 1-нче мартына кадәр урнаштырырга мөмкин.

Фото: Марат Мугинов

(Казан шәһәре KZN.RU, 24-нче ноябрь). Росстат Бөтенроссия халык санын алуга багышланган балалар рәсемнәре бәйгесен башлап җибәрде. Анда илнең 7 яшьтән 12 яшькә кадәрге яшь халкы катнаша ала.

Конкурста катнашу өчен, смс буенча катнашуны раслау өчен мобиль телефон номеры белән форманы тутырып, ВПН сайтында теркәлергә кирәк.

Конкурсның бурычы – рәсемдә үз илен күрсәтү һәм анда халык санын алу ничек узачагын тасвирлау. Рәсемдә үз гаиләңне халык санын алу вакытында; өйләргә кереп халык санын алучыларны яки дәүләт хезмәтләренең интернет-порталын сурәтләргә мөмкин, анда кешеләр электрон исәпкә алу кәгазьләрен үзләре тутыра. Моннан тыш, үз шәһәреңне, поселогынны, тирә-ягынны, яраткан истәлекле урыннарны һәм халык санын алу эмблемасы яки аның талисманы Випин рәсемен дә ясарга була.

Конкурс эше кәгазьдә төсле буяулар яки карандашлар белән ясалырга тиеш, фотога төшерергә яисә сканер аша чыгарырга, катнашучының Instagramында @strana2020 аккаунты тамгасы һәм #ярисуюперепись хэштегы белән урнаштырылырга тиеш. Рәсемнәрне үз битеңә 2021 елның 1-нче мартына кадәр кертергә мөмкин. ВПН медиаофисында билгеләп үтүләренчә, Instagram аккаунты барысы өчен дә ачык булырга тиеш. Хештег буенча барлык катнашучыларның рәсемнәрен табарга һәм бәяләргә мөмкин булачак.

Конкурс яңалыклары һәм аның арадаш нәтиҗәләре strana2020.ru Бөтенроссия халык санын алу сайтында бастырылачак. Иң актив катнашучыларны призлар көтә.

Җиңүчеләр ике этапта сайланачак. Беренче финалистларны кулланучылар тавыш бирүе ярдәмендә сайлаячаклар, икенче этапта эшләрне жюри бәяләячәк. Тавыш бирүнең беренче этабы 2021 елның 3-нче мартыннан 15-нче мартына кадәр дәвам итәчәк, ул вакытта «лайк» куеп һәр теләүче тавыш бирә алачак. Аннары бәяләүгә экспертлар керешәчәк. Җиңүчеләр дүрт премия алачак: һәр яшь категориясендә икешәр – 7-9 һәм 10-12 яшь.

Конкурс нәтиҗәләре Бөтенроссия халык санын алу сайтында һәм социаль челтәрләрдә ВПНның рәсми битләрендә бастырылачак.

Бу Росстат үткәрә торган беренче генә иҗади конкурс түгел – «Объективта ил» фотоконкурсында Россиянең 71 төбәгеннән фотографлар катнашты. Иң популяр номинация булып ВиПиН персонажы сурәтләнгән фотографияләр торды. 

Исегезгә төшерәбез, Бөтенроссия халык санын алу 2021 елның 1-нче апреленнән 30-нчы апреленә кадәр цифрлы технологияләр кулланып узачак. Алдагы халык санын алуның төп яңалыгы Россия халкы тарафыннан Дәүләт хезмәтләре порталында (Gosuslugi.ru) электрон исәп алу битен мөстәкыйль тутыру мөмкинлеге булачак. Торак йортлар буенча йөргәндә, исәпкә алучылар махсус программалы планшетлар кулланачак. Шулай ук исәпкә алу участокларында, шул исәптән «Минем документлар» дәүләт һәм муниципаль хезмәтләр күрсәтү буенча күпфункцияле үзәкләр биналарында да халык санын алуда катнашырга мөмкин булачак.

Барлык яңалыклар