Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
18.11.2020, 16:03

Казанда яшәүче хатын-кыз мошенникларга 440 мең сумнан артык акча күчергән

Шулай итеп ул банк карталарында үз акчаларын «сакларга» маташкан.

Фото: Казан шәһәре KZN.RU

(Казан шәһәре KZN.RU, 18-нче ноябрь). Казанда яшәүче хатын-кыз мошенникларга 440 мең сумнан артык акча күчергән. Полициядә караклык маддәсе буенча җинаять эше кузгатылган. Хокук саклау органнары хезмәткәрләре җинаять буенча тикшерү эшләре алып бара.

Хатын-кыз 13-нче ноябрьдә участокка мөрәҗәгать иткән. Ул полицейскийларга 10-нчы ноябрьдә аңа банкларның берсенең куркынычсызлык хезмәте хезмәткәре булып таныштырган ир-ат шалтыратканын сөйли. Аның сүзләренчә, хатын-кызның банк карталарына һөҗүм булган һәм алардан 200 мең сум акча күчергәннәр. Таныш булмаган кеше паспорт мәгълүматлары буенча аның исеменә тагын 200 мең сум күләмендә кредит рәсмиләштергән мошенниклар кулына эләккәнен әйтә.

Аннары ир-ат зыян күрүчене янәсе куркынычсызлык хезмәте хезмәткәренә күчергән. Аңа банкларның берсенең бүлегендә кредит рәсмиләштерергә, ә аннары шул ук номерга шалтыратырга кирәк, диләр. Зыян күрүче барлык шартларны да үтәгән һәм алга таба, банкның ялган хезмәткәрләре тәкъдиме буенча, акчаларны алар күрсәткән счетка күчергән.

11-нче ноябрь көндез хатын-кыз янә шундый ук шалтырату ала. Имеш, банк хезмәткәре хәбәр иткәнчә, аның исеменә яңадан 200 мең сум күләмендә кредитка гариза рәсмиләштерелгән, тик инде башка банкта. Аннары ул тагын бер хезмәткәргә шалтыратуны күчерде. Зыян күрүчегә җыелган акчаларын «саклап калырга» һәм 300 мең сумлык кредит алырга киңәш итәләр. Хатын-кыз күрсәтелгән билгесез счетка 246 мең сум күчергән.

Бераз вакыттан соң зыян күрүчегә тагын шундый ук сылтау белән шалтыраталар. Әмма банкта аңа кредит бирүдән баш тарталар. Хатын-кыз билгесез кешеләргә шалтырата һәм кредит бирүдән баш тартуларын әйтә, мошенниклар элемтәгә чыгудан туктый.

Әлеге факт буенча «Караклык» маддәсе буенча җинаять эше кузгатылды, дип хәбәр итә Россия Эчке эшләр министрлыгының Казан буенча идарәсе матбугат хезмәте. Полиция килеп чыккан хәлнең барлык шартларын ачыклый.

Россия Эчке эшләр министрлыгының Казан буенча идарәсе халыкка таныш булмаган кешеләрдән килгән бөтен мәгълүматны яңадан тикшерергә киңәш итә. Таныш булмаган кешеләргә үзләренең банк карталары һәм счетлары турында мәгълүмат бирергә, билгесез счетларга акча күчерергә ярамый. Караклар тозагына эләккән кешеләргә кичекмәстән «02» яки «112» телефоннары буенча полициягә мөрәҗәгать итүләрен сорыйлар.

 

Барлык яңалыклар