Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
10.09.2021, 11:30

11 сентябрьдә Татарстан Республикасы башкаласында «Халыклар дуслыгы казаны» фестивале узачак

Программада – дөнья халыклары биюләре, милли ризыкларны татып карау һәм фэшн-кинокүрсәтү.

Фото: Денис Гордийко

(Казан шәһәре KZN.RU, 10-нчы сентябрь). 11-нче сентябрь көнне Казанда Игенчеләр сарае каршындагы мәйданда «Халыклар дуслыгы казаны» милли костюм фестивале узачак. Туган телләр һәм халыклар бердәмлеге елына багышланган бәйрәм төбәктә яшәүче халыкларның гореф-гадәтләре һәм мәдәнияте белән таныштырачак.

Казанлылар һәм башкала кунаклары үз куллары белән сувенирлар ясый, милли костюмнарда фотога төшә һәм концертка бара алачак. Теләүчеләр Куба, грузин, Мексика биюләрен үзләштерә алачак.

Фестивальдә «Халыклар дуслыгы казаны» флешмобы узачак: җирле музыкантлар авторлык трегын язганнар, аның нигезенә татар, рус, мордва, чуаш һәм башка халык җырларының мотивлары салынган. Биючеләр элементлары шулай ук үзләрендә төрле милли мотивларны берләштергән номер куйдылар.

Шулай ук «Халыклар дуслыгы казаны» фестивале кысаларында Татьяна Черногузованың «Юха» фэшн-фильмы күрсәтеләчәк, ул Berlin Fashion Film Festival финалисты булды һәм берничә кинофестивальдә катнашты. Ул татар фольклоры мотивлары буенча төшерелгән. Күрсәтү азагында барлык теләүчеләр дә проект командасына үз сорауларын бирә алачак.

Тамашачылар өчен милли ризыкларны татып карау оештырылачак, ә бәйрәмнең кульминациясе зур казанда сыер итеннән пылау әзерләү булачак. Аны бушлай ашап карарга мөмкин булачак, һәм теләгән очракта рецептын алырга.

Фестиваль 12:00 сәгатьтә башлана, дип хәбәр итә Казан Башкарма комитетының Туризмны үстерү комитеты.

 

Барлык яңалыклар