Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
05.07.2021, 16:34

31 июльгә кадәр «Саумы, Казан!» конкурсына гаризалар кабул итү дәвам итә

Бүгенге көндә 40-ка якын гариза кабул ителгән инде.

Фото: Денис Гордийко

(Казан шәһәре KZN.RU, 5-нче июль). Татарстан башкаласында 31-нче июльгә кадәр «Саумы, Казан!» прозаик әсәрләр конкурсына гаризалар кабул итү дәвам итә. Бүгенге көнгә 39 гариза кергән: 24 – рус телендә һәм 15 – татар телендә.

Конкурс ике яшь категориясе арасында: 18 яшьтән 35 яшькә кадәр һәм 35 яшьтән өлкәнрәкләр арасында оештырыла. Анда Татарстанның дәүләт телләрендә язучы авторлар катнаша ала. Республика территориясендә яшәүче халыкларның башка телләрендә эшләр рус яки татар телләренә тәрҗемә итеп язылырга тиеш. Конкурста катнашучыларга Казан турында эссе яки хикәя язарга кирәк, мәсәлән, шәһәрдә яшәүче күренекле шәхесләр, яисә аңа карата үз карашың турында.

Конкурс эшләрен kazankonkurs2021@mail.ru  электрон адресына «"Саумы, Казан! конкурсына» тамгасы белән җибәрергә мөмкин. Моннан тыш, Instagram һәм «Вконтакте» социаль челтәрләрендә #СаумыКазан, #Здравствуйказан хештеглары белән эшне бастырып чыгарырга һәм текст башында конкурста катнашу турында язарга мөмкин.

Эшләрне электрон почтага җибәргәндә, гаризада автор турында мәгълүмат күрсәтергә кирәк: фамилиясе, исеме һәм атасының исеме, яше, эш яки уку урыны, яшәү адресы, телефон номеры, электрон адрес, шулай ук әсәрнең номинациясе, атамасы, аны иҗат итү датасы. Instagram социаль челтәрендә басылган очракта мәгълүматны сылтама буенча тутырырга кирәк.

Җиңүчеләр 30 мең сумнан алып 80 мең сумга кадәр акчалата бүләкләр алачак һәм үз хикәяләрен Казанга багышланган китапта күрәчәк. Жюри эшләрне 15-нче августтан 29-нчы августка кадәр караячак һәм 30-нчы августта җиңүчеләрне бүләкләячәк.

Конкурс Туган телләр һәм халыклар бердәмлеге елына багышланган.

Барлык яңалыклар