Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
23.09.2020, 17:25

Казанда «Рубин йолдызлары» фестивалендә классик орган музыкасы яңгыраячак

Фото: Казан шәһәре KZN.RU

(Казан шәһәре KZN.RU, 23-нче сентябрь). «Рубин йолдызлары» орган музыка фестивале 29-нчы сентябрьдә һәм 1-нче октябрьдә С.Сәйдәшев исемендәге Дәүләт Зур концертлар залында узачак. Проект музыкант һәм педагог, Н.Г.Җиһанов исемендәге Казан дәүләт консерваториясе ректоры, Россиянең халык артисты, профессор Рубин Абдуллинның 70 еллык юбилеена багышланган.

Беренче концертта Рубин Абдуллинның төрле еллардагы чыгарылыш укучылары – хәзерге вакытта танылган Россия органистлары катнаша: Татарстанның атказанган артисткасы, «Зарядье» концерт залының баш органисты Лада Лабзина (Мәскәү), Башкортстанның атказанган артисткасы, Башкортстан филармониясе солисты Эльвира Хәйретдинова (Уфа), Томск филармониясе органисты Мария Блажевич (Томск-Төмән), Марий опера һәм балет театры органистлары Антонина Воронина һәм Арсений Ушков (Йошкар-Ола), Түбән Тагил филармониясе солисты Наталья Воронина, Санкт-Петербург музыка училищесы укытучысы һәм орган остасы Анна Калинкина, штат органисты һәм Томск өлкәсе дәүләт филармониясенең сәнгать җитәкчесе Дмитрий Ушаков катнаша.

Программада – алман, француз һәм итальян композиторларының классик орган музыкасы, шулай ук С.Элембаевның Мари темаларына концерт пьесасы, А.Лупповның «Рубин» темасына фантазиясе һәм X.Әхмәтов эшкәртмәсендә башкорт халык җыры «Сырдәрья».

Икенче концертның программасын Рубин Абдуллин үзе һәм Казан консерваториясенең клавесин һәм арфа кафедрасы педагоглары тәкъдим итәчәк. Концертта Россиянең атказанган сәнгать эшлеклесе, профессор Владислав Лукьянов җитәкчелегендәге консерватория студентлары хоры катнаша.

Концертлар 18.30 сәгатьтә башлана, дип хәбәр итә консерваториянең матбугат хезмәте.

Барлык вакыйгалар