160 волонтер казанлыларга цифрлы телевидениегә күчәргә ярдәм итәчәк

160 волонтер казанлыларга цифрлы телевидениегә күчәргә ярдәм итәчәк

<p> (Казан шәһәре KZN.RU, 11-нче март). 13 апрельдә Казанда "Россия – минем тарихым" мультимедиа тарихи паркы базасында шәһәрлеләргә цифрлы телевидениегә күчәргә ярдәм итүче волонтерлар өчен курслар башлана. Волонтерларны кулланучы җиһазларын тоташтырырга һәм көйләргә өйрәтәчәкләр Барлыгы 160 кеше белем алачак.<br> </p> <p> Волонтерлар арасында Казанның югары һәм һөнәри белем бирү оешмалары студентлары, "Җиңү волонтерлары" студент яшьләргә гражданлык-патриотик тәрбия бирү иҗтимагый үзәкләре активистлары бар. Аларның төп бурычы - өлкән яшьтәге, аз керемле кешеләргә, инвалидларга һәм халыкның башка якланмаган категорияләренә цифрлы тапшыруга күчүдә ярдәм итү. </p> <p> Волонтерлар теоретик һәм практик белемнәрен 4 сәгатьлек укыту программасы барышында алачаклар. Курс тәмамлангач, һәр волонтерга махсус таныклык биреләчәк, дип хәбәр итә Балалар һәм яшьләр эшләре комитеты. </p> <p> Исегезгә төшерәбез, 3 июньдә Татарстанга цифрлы телевидениегә <a target="_blank" href="https://www.kzn.ru/meriya/press-tsentr/novosti/v-iyune-2019-goda-kazan-polnostyu-pereydet-na-tsifrovoe-televeshchanie/?lang=ta">тулы масштаблы күчү</a> туры киләчәк, аның кысаларында аналог эфир телетапшыруы туктатылачак. "Цифрга" күчү белән илнең һәм республиканың барлык халкына югары цифрлы сыйфатта 20 бушлай телеканал тәкъдим ителәчәк. </p>

2019-03-11T16:57:12+0300