Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
25.06.2021, 14:50

Ял көннәрендә Казан афишасы: миниатюр Коръән һәм Кытай фарфорын күрергә, кыздырылган туңдырмадан авыз итәргә

Моннан тыш, шәһәрдә Сабантуй һәм Яшьләр көне узачак.

Фото: Денис Гордийко

(Казан шәһәре KZN.RU, 25-нче июнь). Киләсе ялларда Казан халкын һәм кунакларын күп кенә кызыклы һәм якты вакыйгалар көтә, аларның иң мөһиме – традицион Сабантуй бәйрәме. Сабан туе бәйрәме программасында – театральләштерелгән тамаша, конкурслар, ярышлар һәм мавыктыргыч ат чабышлары. Моннан тыш, ял көннәрендә казанлылар танго биергә, гастрономия фестивалендә туңдырма белән сыйланырга, парклар буйлап иртәнге йөгерешләргә кушылырга, мөселман мәдәнияте раритетларын һәм Кытай сәнгатенә багышланган күргәзмәдә якты экспонатлар карый алачак.

Җәмәгать киңлекләрендә «Яшел фитнес»тан көн саен күнегүләр (12+)

26-нчы июнь көнне 7:00 сәгатьтән һәм 27-нче июнь 13:00 сәгатькә кадәр

«Яшел Фитнес» проекты командасы казанлыларны көндәлек күнегүләргә чакыра. Шимбә көнне, 26-нчы июньдә, күнегүләр «Урам» экстрим-паркында кроссфиттан башлана, башлану выкыты – 7:30 сәгатьтә. 8:30 сәгатьтә «Крылья Советов» паркында йога буенча дәресләр узачак, шул ук вакытта Горки-Әмәт урманында стретчинг буенча күнегүләр булачак. 18:00 сәгатьтә барлык теләүчеләр өчен «Кабан» күле яр буенда зумба буенча дәрес үткәрәчәкләр.

Якшәмбе көнне 13:00 сәгатьтә «Урам» экстрим-паркында һәм 14:00 сәгатьтә Кремль яр буенда паркура буенча күнегүләр узачак.

Барлык дәресләр дә бушлай. (Фото: vk.comzf_kzn)

Горки-Әмәт урманында һәм Горький исемендәге паркта иртәнге йөгерүләр (12+)

26-нчы июнь көнне 8:00 һәм 9:00 сәгатьтә

Һәр шимбә көнне 8:00 сәгатьтә Горки-Әмәт урманында теләүчеләр өчен бушлай йөгерү дәресләре уза. Алар йөгерү техникасын үстерү өчен төп кагыйдәләрне һәм күнегүләрне өйрәнүне, дөрес сулыш алу күнегүләрен һәм урман буенча сәгатьлек йөрүне үз эченә ала.

Тагын бер йөгерү Горький исемендәге паркта 9:00 сәгатьтә узачак. Дистанция 5 км тәшкил итәчәк. Parkrun йөгерү буенча тренировкада катнашу өчен сайтта теркәлү узарга һәм махсус штрих-код алырга кирәк.

Барлык дәресләр дә бушлай.

Каенлыкта һәм Казан ипподромында Сабантуй (0+)

26-нчы июнь көнне 10:00 сәгатьтә һәм 14.00 сәгатьтә

Казанда Сабантуй биш мәйданчыкта узачак, төп урын – Мирный бистәсендәге Каенлык. Үзәк мәйданда театральләштерелгән прологта бөтен республикадан иң яхшы бию һәм вокаль коллективлары, татар эстрадасы йолдызлары чыгыш ясаячак. Алар арасында Ришат Төхвәтуллин, Данир Сабиров, Салават һәм Гүзәл Миңнехановлар, «Казан егетләре» төркеме һәм башкалар. Мирныйда традицион спорт ярышларыннан тыш көч экстримы, халык уеннары буенча ярышлар узачак. Көрәш буенча ярышларда Казанның һәм Татарстанның иң яхшы батырлары катнашачак.

Сабантуйның барлык мәйданчыклары да якынча 16:00 сәгатькә кадәр, бәйрәм батырлары билгеләнгәнче эшләячәк.

Шәһәр халкына уңайлы булсын өчен, Сабантуй уздырылган көнне автобуслар 8:00 сәгатьтән барлык бәйрәм чаралары тәмамланганчы йөриячәк.

Шулай ук 14:00 сәгатьтә Сабантуйны Казан ипподромында билгеләп үтәчәкләр, анда бәйрәм хөрмәтенә традицион ат чабышлары һәм шул исәптән уникаль ахалтекин чабышчылары катнашында йөгерүләр узачак. Программада 12 чабыш һәм концерт программасы планлаштырылган.

Керү ирекле. 

ТР Милли музеенда «Мөселман мәдәнияте раритетлары» күргәзмәсе (0+)

26-нчы һәм 27-нче июнь көнне 10:00 сәгатьтән 18:00 сәгатькә кадәр

ТР Милли музеенда күргәзмәдә Ислам тарихының 14 гасырын колачлаган мөселман мәдәнияте музей коллекциясеннән сайланган раритетлар тәкъдим ителгән. Экспонатларның күбесе сакланган урыннарын сирәк калдырып китә, ә кайберләре беркайчан да куелмый.

Күргәзмәдә ил җыеннары өчен иң сирәк булган мөселман хаҗ кылу белән бәйле предметлар тәкъдим ителәчәк. Мәсәлән, кисва фрагментлары – Каабы япмасы, ул хаҗ тәмамлангач, хаҗ кылучыларга таратыла торган зур булмаган кисәкләр. Шундый зур күләмдәге бер фрагмент – өч метрдан артык, 1937 елда Казанда гомер иткән бер хатын-кыздан бүләк итеп килгән.

Музейда башка раритетлар да саклана: кулъязма һәм басма Коръәннәр, шул исәптән традицион көнчыгыш орнаменты һәм гарәп язулы нәфис бронза эшләнмәләр, намазлыклар, язма һәм китап культурасы һәйкәлләре, руханилар киеме, дини текстлар һәм ике изге шәһәр – Мәккә һәм Мәдинә сурәтләре белән бизәлгән шамаилләр.

Күргәзмә 5-нче июльгә кадәр дәвам итәчәк. Керү билетлар буенча.

«Хәзинә» сәнгать галереясендә Виктор Аршинов күргәзмәсе (12+)

26-нчы һәм 27-нче июнь көнне 10:00 сәгатьтән 18:00 сәгатькә кадәр

Виктор Аршиновның күргәзмәсе Бөек Ватан сугышы башлануның 80 еллыгына багышланган. Авторы – Татарстанның атказанган сәнгать эшлеклесе, халык, Россиянең атказанган рәссамы. Күргәзмә проекты рәссамның иҗади юлы эволюциясе ретроспективасын тәкъдим итә. Күргәзмәдә В.П.Аршиновның Татарстан Республикасы Дәүләт сынлы сәнгать музее җыентыкларыннан, шулай ук рәссамның шәхси җыелышыннан рәсем һәм графика әсәрләре тәкъдим ителә.

Ул 22-нче июльгә кадәр дәвам итәчәк. Керү галерея билетлары буенча.

«Эрмитаж-Казан» (0+) үзәгендә «Пять символов счастья» Кытай сәнгате күргәзмәсе

26-нчы һәм 27-нче июнь көнне 10:00 сәгатьтән 18:00 сәгатькә кадәр

«Пять символов счастья. Благопожелания в китайском искусстве XVII-XX веков из собрания Государственного Эрмитажа» күргәзмәсе – ул Бөтендөньяга танылган музейның бай Кытай коллекциясе шедеврлары белән тамашачыларны таныштыручы Казан Кремлендәге Дәүләт Эрмитажының уникаль күргәзмә проекты. Экспозициягә академик В.М. Алексеев коллекциясеннән дөньядагы иң яхшы Яңа ел картинасының (няньхуа) 80 сирәк үрнәге кергән. Узган гасыр урталарында Эрмитажга тапшырылган картиналар кәгазьдә ксилография бастырылган, алар кайчандыр Яңа ел алдыннан бай булмаган кытайлыларның торакларына эленгән. Әлеге якты, матур рәсемнәрнең эчтәлеге һәм язулары теләкләрнең һәм бәхетнең үтәлешен гәүдәләндерде.

Шулай ук экспозициядә катлаулы техникада эмаль буяулар белән язылган нәфис фарфор тәкъдим ителгән, нефрит, лак, агач һәм фил сөягеннән уеп ясалган эшләнмәләр, тылсымлы бизәлешле эмаль, җиһаз, чигелгән ефәк.

Күргәзмә 2022 елның 30-нчы гыйнварына кадәр эшләячәк. Керү билетлар буенча.

Кремль яр буенда туңдырма фестивале (0+)

26-нчы һәм 27-нче июнь көннәрендә 11:00 сәгатьтән 22:00 сәгатькә кадәр

Киләсе ялларда баллы яратучыларны сюрприз көтә – Кремль яр буенда «Җәй тәме» дигән туңдырма фестивале узачак, анда төрле шәһәрләрдән 10-нан артык ашамлык җитештерүче катнашачак. Кунаклар яраткан десертның гадәти төрләрен, шулай ук гадәти булмаган төрләрен сынап карый алачак: Италия джелатосы, тайча кыздырылган туңдырма, кәҗә сөтеннән ясалган туңдырма, япон модасы һәм башка бик күп төрләреннән авыз итеп карарга мөмкин булачак. Керү ирекле.

В.И.Качалов исемендәге театрда «Королева красоты» спектакленең премьерасы (18+)

26-нчы июнь көнне 18:00 сәгатьтә

В.И.Качалов исемендәге театрның кече сәхнәсендә режиссер Илья Славутский «XXI гасыр баш драматургы» Мартин Макдонахның иң яхшы пьесаларыннан берсен куячак. 1996 елда язылган «Королева красоты» авторга уңыш һәм танылу китергән. Бу – нәфрәт, җинаять һәм җәза, ышаныч һәм өметсезлек, акланмаган өметләр турында рәхимсез, ихлас һәм шәфкатьле әңгәмәләр турында заманча гыйбрәтле хикәя.

Спектакльдә The Cranberries төркеменең музыкаль темалары һәм ирланд халык көйләре театрның инструменталь төркемен эшкәртүдә һәм башкаруында яңгырый.

Бөтен дөньяда МакДонахны «Безнең заман Шекспиры» дип атыйлар. Британия-ирланд кинорежиссеры, сценарист, продюсер һәм драматург тугыз пьеса авторы һәм өч тулы метражлы кинофильм куючы – «Три билборда на границе Эббинга, Миссури», «Залечь на дно в Брюгге», «Семь психопатов».

Билетларны театр сайтында сатып алырга мөмкин.

Легендар сәяхәтче Федор Конюховның «БИЗОN» галереясындагы картиналар күргәзмәсе (0+)

26-нчы һәм 27-нче июнь көннәрендә 13:00 сәгатьтән 21:00 сәгатькә кадәр

Федор Конюхов – бөтен дөньяга танылган сәяхәтче һәм диңгезче, ул барлык континентларда, полюсларда һәм югары үрләрдә булган. Әмма аның тагын 3 меңнән артык картина язган рәссам, Россия сәнгать академиясе академигы, Россия һәм халыкара күргәзмәләр катнашучысы булуын бик азлар белә.

Казанда тәкъдим ителгән экспозиция авторның 40-тан артык рәсем һәм график әсәрләрен берләштерә, аларда көймәләрне һәм Атюховның үзен, рәссамның хатыны һәм дусларының хатыныны һәм, әлбәттә, төрле киңлекләрдәге пейзажлар һәм ландшафтларны күрергә мөмкин.

Күргәзмә 21-нче июльгә кадәр дәвам итәчәк. Күргәзмәгә керү түләүле. 18 яшькә кадәрге балаларга һәм пенсионерларга керү ирекле. Тулырак мәгълүмат – сылтама буенча. 

Горький исемендәге паркта йога (12+)

27-нче июнь көнне 9:00 сәгатьтә

Җәен «Изге эшләр көне» фонды – йога буенча һөнәри инструктор Юлия Ходжаева белән берлектә ял көннәрендә Казан паркларында йога буенча хәйрия дәресләре башлап җибәрде. Шәһәр кешеләре өчен бу үз көнен актив башлап җибәрү һәм шул ук вакытта хәйрия фонды проектларына ярдәм итү мөмкинлеге. Һәр тренировкадан соң катнашучылар пикник оештыра, төрле темалар турында фикер алыша.

Бу атнада проектның финал дәресе узачак, анда фондка ярдәм итү йөзеннән донатлар өчен килергә мөмкин. Үзең белән уңайлы җәймә яки келәм алырга кирәк булачак. Язылу +7(952)035-14-35 телефоны буенча WhatsApp мессенджерында, шулай ук @juliaa.yoga Instagram ында мөмкин.

Барлык дәресләр дә бушлай.

Казан паркларында һәм скверларында Яшьләр көне (16+)

26-нчы һәм 27-нче июнь көннәрендә 11.00 сәгатьтән башлап

Казанлылар шәһәрнең җәмәгать киңлекләрендә Яшьләр көнен бәйрәм итә алачак. Шәһәрдә кул эшләнмәләре ярминкәсе, урамда кино күрсәтүләр, фестивальләр, пикниклар һәм башкалар узачак. Тулырак мәгълүматны Парклар һәм скверлар дирекциясе программасында табарга була.

Керү ирекле.

Горький исемендәге паркта гаилә пикнигы (0+)

27-нче июнь көнне 11:00 сәгатьтән 17:00 сәгатькә кадәр

Шәһәр халкын балалар өчен активлык зоналары һәм мастер-класслар белән гаилә пикнигына чакыралар. Чарада фотосессияләр, диджейлар һәм кавер-төркемнәр чыгышлары узачак. Шулай ук яшь ата-аналарның психологиясе турында лекторияләр эшләячәк.

Керү ирекле.

Кремль яр буенда бию дәресләре (12+)

27-нче июнь көнне 20:00 сәгатьтә

Казанлылар танго биергә өйрәнә алачак: теләге булган һәркем open-air да катнаша ала. Начар һава торышы булса, дәрес гамәлдән чыгарылырга мөмкин.

Катнашу – бушлай.

 

Барлык яңалыклар