Ди-джейлар һәм бүләккә пицца: «Елмай» паркында «резина итекле кичә» уздырыла

Көзге «образ» булдыру өчен кунакларга яңгырдан саклагыч һәм резина итек кияргә тәкъдим итәләр

18 октябрьдә «Елмай» паркында «резина итекле кичә» уздырыла. Татарстан башкаласында яшәүчеләр яшь ди-джейларны тыңлап, иҗади остаханәләрдә, тематик уеннарда катнаша алачак. Бу хакта Парклар һәм скверлар дирекциясе матбугат хезмәте хәбәр итә.

Кичә вакытында бүләккә пицца уйнатылачак, теләге булган халыкка бушлай кайнар эчемлекләр тәкъдим итәчәкләр.

Чараның үзенчәлеге – резина итекләр һәм яңгырдан саклагыч кием.

Чара бушлай оештырыла, 16:00 сәгатьтә башлана.