Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
09.09.2020, 16:56

Илсур Метшин Идел буе федераль округы башкалалары җитәкчеләренең август медиарейтингын җитәкләде

Казан Мэрының медиаиндексы 15940,6 пунктны тәшкил иткән.


(Казан шәһәре KZN.RU, 9-нчы сентябрь). Казан Мэры Илсур Метшин 2020 елның август аенда Идел буе федераль округының башкала җитәкчеләре медиарейтингын җитәкләде.

Федераль һәм төбәк массакүләм мәгълүмат чараларын анализлау нәтиҗәләре буенча Казан Мэрының медиаиндексы 15940,6 пунктны тәшкил иткән. Массакүләм-мәгълүмат чаралары язганча, Илсур Метшин төзелүче Кабан яр буе буйлап Казан блогерлары өчен экскурсия үткәрде һәм шәһәрнең велоюл челтәрен үстерү концепциясе турында сөйләде. Шулай ук матбугатта Казан Мэрының 187-нче «Ритм» күппрофильле лицее буенча яшь әниләр өчен экскурсия үткәрүе яктыртылды. Моннан тыш, Казан башлыгы Илсур Метшин метробуслар җибәрүне һәм шәһәрдә очу магистральләре төзелешен тизләтергә тәкъдим итте, дип хәбәр иттеләр.

Медиарейтингның икенче урынында Саратов мэры Михаил Исаев (10128 пункт), ә өченчесендә Чебоксар башлыгы Алексей Ладыков (8003,1 пункт) урнашкан.

Рейтинг массакүләм мәгълүмат чаралары базасы нигезендә «Медиалогия» мәгълүмати-аналитик системасы тарафыннан төзелгән, ул 58 меңнән артык чыганакны үз эченә ала: ТВ, радио, газеталар, журналлар, мәгълүмат агентлыклары, интернет-массакүләм мәгълүмат чаралары.

Исегезгә төшерәбез, Казан Мэры Идел буе федераль округы субъектлары башкалаларының беренче затлары медиарейтингын берничә тапкыр әйдәп барды.
Барлык яңалыклар