В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
30.11.2023, 10:10
Илсур Метшин Иранның Казандагы Генераль консулы Давуд Мирзахани белән очрашты
ТР башкаласы Башкарма комитетында яклар хезмәттәшлекнең перспектив юнәлешләре турында фикер алыштылар
Фото: Денис Гордийко
Давуд Мирзахани Генераль консул вазифасына бу елның мартында кереште. Аңа кадәр ике ел дәвамында Иран Тышкы эшләр министрлыгының административ хокук бозулар белән эшләү буенча координация бүлеге җитәкчесе иде.
Иран делегациясе ТР башкаласына «Казаныш» халыкара архитектура-төзелеш форумына киләчәк. Иран шәһәрләре белән хезмәттәшлек Бөтендөнья оешмасы «Берләшкән шәһәрләр һәм җирле хакимиятләр», Тарихи шәһәрләр лигасы (Тәбриз, Исфахан, Кашан, Шираз, Йешт, Семнан керә), Бөтендөнья мирасы шәһәрләре оешмасы (Бам), Азия мэрлар форумы кысаларында уза.
2009 елның 14 нче гыйнварыннан Казан һәм Тәбриз – тугандаш шәһәрләр, ә 2017 елда алар арасында ниятләр турында беркетмәгә кул куелды, шуңа ярашлы рәвештә ТР башкаласының Мәскәү районында «Тәбриз» скверы ачылды, ә Тәбриздә «Казан» паркы барлыкка килде.
Иран Ислам Республикасы Казан вузлары белән актив хезмәттәшлек итә, хәзерге вакытта Иранның биш университеты, шулай ук Саади фонды һәм Биотехнологияләр һәм ген инженериясе милли институты Казан федераль университетының рәсми партнерлары булып тора. ТР башкаласын һәм Иран Ислам Республикасын шулай ук мәдәни хезмәттәшлек бәйли.
Казанда Иран Ислам Республикасы Генераль консуллыгы үз эшен 2007 елның 28 нче ноябрендә РФ һәм Иран Ислам Республикасы арасындагы килешү кысаларында башлады. Консуллык округы Россиянең 13 субъектын үз эченә ала.Шулай ук укыгыз
-
28.09.2025, 14:04 -
28.09.2025, 09:02 -
27.09.2025, 10:48 -
27.09.2025, 08:55