Казан поликлиникалары алдагы ялларда көчәйтелгән режимда эшләячәк

Мондый режим респиратор вирус инфекцияләре белән авыручылар саны кискен артуга бәйле

Марат Мөгыйнов фотосы

Бу ял көннәрендә, 27 һәм 28 декабрьдә, Казанның участок поликлиникалары кискен респиратор вирус инфекцияләре билгеләре булган һәм югары температуралы авыруларны карау өчен өйгә табиб чакыру вакытын 19:00 сәгатькә кадәр озайтачак. Әлеге күренеш респиратор вирус инфекцияләре белән авыручылар саны кискен артуга бәйле.

Эш графигы

Олылар поликлиникалары:
27 декабрьдә, шимбә: 8:00 сәгатьтән 18:00 сәгатькә кадәр;
28 декабрьдә, якшәмбе: 9:00 сәгатьтән 15:00 сәгатькә кадәр;
Табибны өйгә 9:00 сәгатьтән 19:00 сәгатькә кадәр чакыртырга була.
Балалар поликлиникалары:
27 декабрьдә, шимбә: 9:00 сәгатьтән 17:00 сәгатькә кадәр;
28 декабрьдә, якшәмбе: 9:00 сәгатьтән 15:00 сәгатькә кадәр;
Табибны өйгә 9:00 сәгатьтән 19:00 сәгатькә кадәр чакыртырга була.

Шәһәрнең Сәламәтлек саклау идарәсендә хәбәр итүләренчә, 15–21 декабрьдә халык арасында кискен респиратор вирус инфекцияләре белән авыручылар саны эпидемия чигеннән 23,5 процентка арткан. Авыруның артуы барлык яшь төркемнәрендә дә теркәлгән.

Шәһәр халкына җәмәгать урыннарында һәм транспортта битлек кияргә, шулай ук профилактика чараларын үтәргә, кискен респиратор вирус инфекцияләре билгеләре ачыкланганда өйдә калырга, үз-үзеңне дәвалау белән шөгыльләнмәскә һәм табиб чакыртырга киңәш итәләр.

Алдарак Казанда гриппка каршы күмәк иммунитетка ирешү өчен әлеге эпидемия сезонында 704 меңнән артык шәһәр халкына вакцина ясалуы турында хәбәр ителгән иде.

Шулай ук укыгыз

Барлык яңалыклар