Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
14.07.2021, 16:00

Казан укучылары «Зур тәнәфес» бөтенроссия конкурсында җиңү яулады

Финалда бөтен илдән 639 кеше көч сынашты.

Фото: Марат Мугинов

(Казан шәһәре KZN.RU, 14-нче июль). Казанда яшәүче өч кыз 5-7-нче сыйныф укучылары арасында «Зур тәнәфес» Бөтенроссия конкурсының финал этабында җиңүчеләр исемлегенә керде. Нәтиҗәләрне кичә Ялтадагы «Артек» халыкара балалар үзәгендә ясадылар.

Сайлап алу этабы онлайн-уен форматында узды, анда бөтен илдән 1,1 миллионнан артык кеше катнашты. Конкурсның финал сынаулары 7-нче июльдән 14-нче июльгә кадәр форсайт-сессияләр форматында узды, аларда 639 финалист катнашты.

5-7-нче сыйныф укучылары 12 юнәлеш буенча ярышты: фән һәм технологияләр, сәнгать һәм иҗат, журналистика һәм яңа медиа, урбанистика, экология, сәламәт яшәү рәвеше, тарихи хәтер, волонтерлык, сәяхәт һәм туризм, яшьләр эшкуарлыгы, мәгариф технологияләре һәм дәүләт куркынычсызлыгы.

Йомгаклау проекты «Киләчәк мәктәбе»нең – «Зур тәнәфес» мәктәбе» моделе булды. Аның концепциясен катнашучылар командаларга берләшеп эшләде. Шулай ук һәр финалист социаль челтәрләрдә балалар бергәлеге проектын тәкъдим итте.

Татарстаннан конкурста 8 кеше катнашты. Финал этабы нәтиҗәләре буенча 5 җиңүче билгеләнде, шул исәптән 3 катнашучы Казаннан : М.С. Устинова исемендәге 102-нче номерлы гимназиядән Полина Иванова, 152-нче номерлы гимназиядән Ангелина Ивлиева, 186-нчы номерлы күппрофильле «Перспектива» лицееннан Дилә Мәрданова. Шулай ук иң яхшылар арасында – Яр Чаллыдан Мәликә Бәдретдинова һәм Әлмәт районыннан Лика Молдаванова.

Көз көне конкурста җиңүчеләр «Зур тәнәфес»нең махсус поездында «Хыял сәяхәте»нә юл тотачак: яшьләр бөтен ил буйлап, Мәскәүдән алып Владивостокка кадәр һәм кире юнәлештә.

«Зур тәнәфес» конкурсын «Россия – мөмкинлекләр иле» автоном коммерцияле булмаган оешмасы, Россия балалар һәм яшьләргә гражданлык һәм патриотик тәрбия бирү үзәге һәм Россия мәктәп укучылары хәрәкәте оештыра. Ул «Мәгариф» милли проекты кысаларында гамәлгә ашырыла, дип хәбәр итә ТР Яшьләр министрлыгы матбугат хезмәте.

Барлык яңалыклар