Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
05.02.2021, 09:49

Казан укучыларын чираттагы «Саннар дәресе» көтә

Проектта катнашучыларга мәгълүматларны саклау һәм интернетта хосусыйлык турында сөйләячәкләр.

Фото: Денис Гордийко

(Казан шәһәре KZN.RU, 5-нче февраль). Казан укучыларын чираттагы «Саннар дәресе» көтә. Проектта катнашучыларга мәгълүматларны саклау һәм интернетта хосусыйлык турында сөйләячәкләр. Балалар үзләре турында санлы киңлектә нинди мәгълүмат урнаштырырга ярамаганлыгы, каракларга ничек каршы торырга кирәклеге турында беләчәк, шулай ук үзләренең шәхси мәгълүматларын якларга өйрәнәчәк.

Дәресләргә 8-нче февральдән 22-нче февральгә кадәр сайтта кушылырга мөмкин. 1-11-нче сыйныф укучылары өчен интерактив дәресләр үз эченә төрле катлаулыктагы видеолекцияләрне һәм онлайн-тренажерларны ала. Мәсәлән, чит кешеләрдән нинди мәгълүматлар яшерергә кирәклеген яки смартфонда кайсы кушымталарга рөхсәт бирергә ярамаганлыгын билгеләргә кирәк булачак.

Укучылар дәресләрне дистанцион рәвештә уза алачак, шулай ук ата-аналардан һәм укытучылардан ярдәм сорау мөмкинлеге булачак – алар өчен сайтта тәкъдимнәр һәм белешмәлекләр каралган.

«Саннар дәресе» – ул укучыларга әйдәп баручы технологик компанияләрдән белем алырга һәм санлы икътисад күнекмәләрен һәм компетенцияләрен үстерергә мөмкинлек бирә торган бөтенроссия белем бирү проекты. Проект «Санлы икътисад өчен кадрлар» федераль проектына ярдәм йөзеннән гамәлгә ашырыла.

Узган уку елында «Саннар дәресе» Россия укучыларының яртысыннан артыгын колачлады. Ике ел эчендә балалар, ата-аналар һәм укытучылар проект сайтындагы дәресләргә 32 млн тапкыр диярлек мөрәҗәгать иткән. Проект Россиянең 85 төбәген колачлады, ә узган уку елында үзенең географиясен тагын да киңәйтте – йөздән артык илдән рус телле мәктәп укучылары санлы икътисадның әйдәп баручы компанияләреннән тренажерлар узды. Балалар, ата-аналар һәм укытучылар дәресләргә 11 миллион тапкыр диярлек мөрәҗәгать иткән, дип хәбәр итә ТР Саннар министрлыгы.

Барлык яңалыклар