Казан яшь тамашачылар театры театр күзәтүчеләре әзерли башлаячак

Казан яшь тамашачылар театры театр күзәтүчеләре әзерли башлаячак

<p> </p> <div class="detail-picture"> <img src="https://kzn.ru/upload/iblock/841/DSC_9056-870.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 12 нче апрель). Казан яшь тамашачылар театры «Театр, кеше, мәдәният» исеме астында «Дискуссия клубы» мәдәни-белем бирү проектын башлап җибәрә. <p> </p> <p> Клубта Казан уку йортларының өлкән сыйныф укучылары һәм студентлары катнашачак, алар спектакльләрне телдән һәм язма рәвештә анализларга һәм тикшерергә өйрәнәчәкләр. Казан артистлары һәм режиссерлары, театр белгечләре һәм театр җәмәгатьчелегенең башка профессионаллары, шулай ук журналистлар яшь театр күзәтүчеләренең остазлары булачак. </p> <p> Дәресләр бушлай үткәрелә. Алар атнага ике тапкыр узачак. Моннан тыш, клуб эше кысаларында барлык катнашучылар да атнага бер тапкыр Яшь тамашачылар театры спектакльләренә бушлай йөри алачак. </p> <p> Клубка керү өчен, 15 нче апрельгә кадәр Казан яшь тамашачылар театры репертуарыннан теләсә кайсы спектакльгә бәяләмә яки рецензия язарга, аннары гариза тутырырга һәм аны <a target="_blank" href="https://forms.gle/cNMhWcZKYErginMT7">сылтама</a> буенча җибәрергә кирәк. Иң яхшы 10 рецензия авторлары клуб әгъзалары булачак. </p> <p> Алдагы «Дискуссия клубы»нда 16 яшь театр күзәтүчесе катнашкан иде, дип хәбәр иттеләр Яшь тамашачылар театры матбугат хезмәтендә. </p>

2022-04-12T14:28:47+0300