Казанлыларга җәйге балалар лагерьларының традицияләре һәм көнкүреше музеен оештыруда катнашырга тәкъдим итәләр

Балалар лагерьлары музеен булдыру идеясен Казан Мэры Илсур Метшин «Яшь гвардиягә» визиты вакытында белдергән иде.

(Казан шәһәре KZN.RU, 17-нче июль). Казанның «Яшь гвардия» спорт-савыктыру лагере территориясендә җәйге балалар лагерьлары традицияләренә һәм көнкүрешенә багышланган музей барлыкка киләчәк. Музейны төзүдә казанлыларга да катнашырга тәкъдим итәләр.

Балалар лагерьлары музеен булдыру идеясен Казан Мэры Илсур Метшин «Яшь гвардиягә» визиты вакытында белдергән иде. Музей капиталь төзекләндерү кысаларында махсус сакланачак, ә аннары спортчылар һәм актив балалар өчен Казан лагере тарихының бер өлеше буларак реставрацияләнәчәк бер корпуста урнашачак.

Лагерьда капиталь төзекләндерү көзен үк башлана. Проект нигезендә искергән корпусларны заманча инфраструктурага алыштырачаклар, аерым алганда, ике футбол кыры, 2 йөгерү юлы, воркаут өчен мәйданчык, мунча комплексы, бадминтон өчен мәйданчыклар, җиңел атлетика зонасы төзиячәкләр.

Казан халкы, үз фотолары һәм балалар лагерьларындагы видео белән уртаклашып, музей булдыруга үз өлешен кертә алачак. Аларны km-smi@mail.ru электрон почтасына җибәрергә кирәк. Моннан тыш, музей экспонатлары балалар лагерьларына сәфәрләр белән бәйле инвентарь һәм әйберләр булырга мөмкин.

Барлык сорауларны +7(843)557-76-41 телефоны буенча, шулай ук Киров һәм Мәскәү районнары администрациясенең яки Казанның Физик тәрбия һәм спорт комитетының социаль челтәрләрдәге аккаунтлары «директ»ы аша бирергә мөмкин.