Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Размер:
AAA
Цвет: CCC
Изображения Вкл.Выкл.
Обычная версия сайта
25.06.2020, 15:20

Казанлыларга «Замбези елгасы» зоопаркындагы зур колаклы төлкеләргә исемнәр сайларга тәкъдим итәләр

Көньяк Африка хайваннары Казанга августта күченде, хәзер алар урам вольерына җайлаша.


(Казан шәһәре KZN.RU, 25-нче июнь, Алена Мирошниченко). Казан халкы «Замбези елгасы» зоопаркында яшәүче ике зур колаклы төлке өчен исемнәр сайлый ала. Исемгә бәйле үз вариантыгызны 1-нче июльдән дә соңга калмыйча тәкъдим итәргә мөмкин.

Бу гадәти булмаган хайваннар Көньяк Африка Республикасында туган, аннары аларны Чехиягә күчергәннәр, ә 2019 елның августыннан алар Казан зооботаника бакчасында яши.

«Замбези елгасы» хезмәткәрләре сөйләгәнчә, 2 яшьлек хайваннар бик сак һәм куркак, бары тик тонык яктылыкта гына бер-берсе белән актив хезмәттәшлек итә, йөгерә һәм уйный башлыйлар. Шуңа күрә, зур колаклы төлкеләрне күрү өчен, килүчеләргә аларны тыныч кына күзәтергә, фотокамералар утларын кабызмаска һәм шауламаска кирәк.

Күптән түгел генә зоопарк хезмәткәрләре урам вольерын ачкан, ләкин анда хайваннар куркып чыга, шул ук вакытта ана хайваннар ачык киңлеккә зур кызыксыну күрсәтә.

Зур колаклар - күп кенә Көньяк Африка җәнлекләренең үзенчәлеге ул, аларның тәненең бу өлешендә бик күп кан тамырлары тупланган, алар суыту системасы өчен җавап бирә.

Зур колаклы төлкеләр рационының 80%-ын бөҗәкләр - коңгызлар һәм суалчаннар тәшкил итә. Аларны хайваннар өчен «Замбези елгасы» зоопаркның махсус бүлегендә үрчетәләр.

Казанлылар зур колаклы төлкеләргә исемнәр сайлауда катнаша ала. Исемнәрдә Африка мотивлары булуы мөһим. Конкурсның нечкәлекләрен сылтама буенча белергә була. Оештыручылар 1-нче июльгә йомгак ясаячак. Җиңүче «Замбези елгасы» яңа зоопаркына ике кешелек чакыру билеты алачак.

Барлык яңалыклар