Казанлылар гадәти булмаган тәмнәрдәге туңдырмадан авыз итә алачак

Фестивальдә илнең күпләгән шәһәрләреннән 25-тән артык җитештерүче туңдырма тәкъдим итәчәк.

(Казан шәһәре KZN.RU, 8-нче июль). 13-нче һәм 14-нче июль көннәрендә Казанның Горький паркында ел саен үткәрелә торган туңдырма фестивале узачак. Җәйге десертны Мәскәү, Ульяновск, Йошкар-Ола, Казан һәм илнең башка шәһәрләреннән 25-тән артык җитештерүче тәкъдим итәчәк.

Фестиваль кунаклары кара төстәге, җиләк-җимешле, сырлы, татар бавырсаклы, талкыш кәләвәле һәм хәтта кыздырылган туңдырманы татып карый алачак. Биредә үк шикәр, глютен һәм сөтсез десертлар, шулай ук фитнес-продуктлар тәкъдим ителәчәк.

Бәйрәм атмосферасын тудырырга музыкаль чыгышлар ярдәм итәчәк, теләгән һәркем иҗади һәм аш-су мастер-классларында катнаша алачак. Шулай ук килүчеләр өчен уеннар һәм конкурслар оештырылачак, дип хәбәр итә «Казанның Парклар һәм скверлар дирекциясе» коммерцияле булмаган автоном оешмасы матбугат хезмәте.

Фестиваль 11.00 сәгатьтән 20.00 сәгатькә кадәр узачак. Керү ирекле.

Шулай ук укыгыз

Барлык яңалыклар