Остаханәләр һәм үз-үзеңне саклау дәресе: Казанның берничә яшүсмерләр клубында төрле чаралар уздырыла

Остаханәләр һәм үз-үзеңне саклау дәресе: Казанның берничә яшүсмерләр клубында төрле чаралар уздырыла

<p> Атна дәвамында Казанның берничә яшүсмерләр клубында бушлай чаралар уздырыла. Яшь казанлылар бию баттлда һәм кисү, тегү буенча остаханәләрдә катнаша, интерьер картиналар ясарга өйрәнә, үз-үзеңне саклау күнекмәләрен үзләштерә, матрешканы бизәүдә катнаша, шулай ук иртәнге йога белән шөгыльләнә алачак. </p> <p> Иртәгә, 28 октябрьдә «Алга» клубында 9:00 сәгатьтә (Мәүлетов урамы, 21) бию баттл була. Баттлда катнашу өчен +7(843)598-04-76 телефон номеры аша теркәлергә кирәк. Шул ук көнне 15:00 сәгатьтә шәһәр яшьләре «Родник» клубында (Завод урамы, 14) интерьер картиналар ясый алачак. Әлеге чарада катнашу өчен +7(927)435-11-70 телефон номерына шалтыратып, шулай ук теркәлергә кирәк. </p> <p> Чәршәмбе көнне, 29 октябрьдә казанлыларны 10:30 сәгатьтә «Иволга» клубына (Зорге урамы, 72) гуашь ярдәмендә рәсем ясау остаханәсенә чакыралар. Чарада катнашу өчен +7(843)261-73-50 телефон номеры аша теркәлергә кирәк. «Җәлил» клубында (Хәйруллин урамы) бу көнне теләге булганнарны үз-үзеңне саклау күнекмәләренә өйрәтәчәкләр. Остаханә 16:30 сәгатьтә эшли башлый. +7(965)615-06-45 телефон номеры аша алдан теркәлү сорала. </p> <p> Казан яшьләрен җомга көнне, 31 октябрьдә кабак кисәргә өйрәтәчәкләр. Дәрес «Юни» клубында (Горький шоссесы, 43/1) үткәрелә һәм 16:00 сәгатьтә башлана. </p> <p> Шимбә көнне, 1 ноябрьдә 9:00 сәгатьтә йога белән шөгыльләнү өчен «Пазлы» клубына (Җиңү проспекты, 62 йорт, 2 корпус) килергә кирәк булачак. Казан яшьләрен 13:00 сәгатьтә «Модуль» клубында (Габишев урамы, 14а) көтәләр. Биредә матрешканы бизәү дәресе уздырыла. Иҗади чарага +7(903)388-58-12 телефон номеры аша теркәлергә була. </p> <p> «Алтын кул» клубында (Гарифьянов урамы, 34) 15:00 сәгатьтә түбәтәй тегү остаханәсе эшләячәк. Чарада катнашу өчен +7 (917)281-27-02 телефон номерына шалтыратып, алдан теркәлү мөһим. «Крылатый» клубы базасында (Побежимов урамы, 17) оештырылачак кисү һәм тегү остаханәсе көнне йомгаклау чарасы булачак. Чара 15:00 сәгатьтә башлана, дип хәбәр итә «Яшүсмер» муниципаль бюджет учреждениесе. </p>

2025-10-27T17:16:28+0300